Pémkab Bogor Robah Rarancang Pangwangunan 2018-2023 Balukar Pandemi

Wakil Bupati Bogor, Iwan Setiawan di Cibinong, Kabupaten Bogor, Jawa Barat. (ANTARA/M Fikri Setiawan)

Wasunda, Warta – Pamaréntah Kabupatén (Pémkab) Bogor, Jawa Barat, ngarobah Rencana Pembangunan Jangka Menengah Daerah (RPJMD) taun 2018-2023, jeung masrahkeun draf nu dirobahna ka DPRD Kabupatén Bogor.

“Ku sabab pandemic Covid-19, udagan nu rék dihontal, hésé pikeun diréalisasikeun saumpama masih ngacu kana kondisi saméméh pandemi. Mangka ku cara rupa-rupa tinimbangan jeung aya arahan ti pamaréntah pusat, mangka kami ngalakukeun révisi,” ceuk Wakil Bupati Bogor, Iwan Setiawan di Cibinong, Bogor, Salasa (8/6).

Nurutkeun manéhna, naon nu geus direncanakeun dina 2018 kamari geus teu rélévan deui jeung kondisi imbas pandemi kiwari. Kawijakan jeung program nu geus ditetepkeun dina Peraturan Daérah (Pérda) Nomor 4 taun 2019 ngeunaan RPJMD ieu, teu bisa digunakeun deui jeung daérah wajib nyaluyukeun jeung ngacu kana program nu geus dibakukeun dina Sistem Informasi Pemerintahan Daerah (SIPD).

“Sahingga, nalika 2020 geus mulai dina runtuyan pikeun ngarobah RPJMD. Salian éta, pandemi ogé ngabalukarkeun kana sakabéh aktifitas sosial jeung ékonomi masarakat. Dina évaluasi kinerja kamari 2020, capaian indicator makro kaasup IPM, kemiskinan, pengangguran, ketimpangan pangwangunan sarta laju tumuwuhna ékonomi nu turun,” ceuk politisi Partai Gerindra.

Tapi, Iwan mastikeun dina révisi RPJMD teu ngarobah visi, misi, jeung udagan Pémkab Bogor salila 2018-2023. Saukur udagan indicator nu robah jeung bakal dibahas bareng DPRD.

Sedengkeun kitu, Wakil Ketua DPRD Kabupaten Bogor, Agus Salim nyebutkeun, nalika révisi RPJMD geus ditepikeun ku Pémkab Bogor, pihakna bakal ngawangun panata calagara husus (pansus) pikeun ngalakukeun bahasan.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *