Pakait Kana Wacana Ngahirupkeun Deui Wisata Rindu Alam di Puncak Bogor, Ieu Ceuk Wabup Iwan Setiawan

Wakil Bupati Bogor Iwan Setiawan. (Humas Pemkab Bogor)

Wasunda – Sababraha waktu katukang Wakil Gubernur Jawa Baarat Uu Ruzhanul Ulum ngaréncanakeun yén Pamaréntah Provinsi Jabar bakal ngahirupkeun deui Kawasan wisata Rindu Alam, Puncak Bogor.

Naggepan hal éta, Wakil Buoati Bogor Iwan Setiawan nyebutkeun yén pihakna nyambut rencana Pémprov Jabar anu bakal ngahirupkeun deui wangunan urut Réstoran Rindu Alam, salah sahiji ikon wisata Kawasan Puncak.

Numutkeun Iwan, rumah makan légendaris kasebut miboga loba carita nu mawa ngaran Puncak Bogor ngadunya. Bahkan, Mantan Présidén Amérika Serikat Barack Obama ogé sempet kapincut ku salah sahijimenu di Restoran Rindu Alam.

Iwan Setiawan nyebutkeun wangunan réstoran anu aya dina ketinggian 1.444 métér diluhur permukaan laut 9MDPL) ieu mangrupa warisan bersejarah.

Wangunan Réstoran Rindu Alam anu munggaran diadegkeun dina taun 1970-an ku jalma deukeutna Présdén RI Soekarno nyaéta saurang perwira tinggi Létjén TNI Ibrahim Adjie.

Iwan Setiawan ngaku sapuk lamun Kawasan rindu Alam dihirupkeun deui saanggeus tutup dina awal taun 2020, kumargi habis kontrak panggunaanna ku pihak katilu. Numutkeun anjeuna, lamun wangunan kasebut diantep lila teuing teu digunakeun, hawatos bakal jadi kumuh.

Iwan Setiawan ogé ngusulkeun suaya ngaran tempat kasebut tetep Rindu Alam nalika dibuka deui, kusabab ngaranna parantos nerap di ceuli masarakat salaku ikon Puncak.

“Rindu Alam montong dihapus ngaran. Tipada ayeuna lebar jadi wangunan kosong henteu kaurus. Rindu Alam ieu boa histori, ikon Puncak ogé. Jadi tempat déstinasi wisata sajarah ogé bisa,” pungkasna

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *