Program Citarum Harum Terus Lumangsung Pikeun Invéstasi Jangka Panjang

Foto: jabarprov.go.id

Wasunda, Kab. Bandung – Saseueur 700 tangkal nu seueur jenisna dipelak deui di bantaran walungan Citarum, pasna di Kampung Bojongasih Désa Dayeuhkolot RW 05 Kacamatan Dayeuh Kolot Kabupatén Bandung, dinten Sabtu kaping 19 Séptémber 2020 kamari.

Pamelakan tangkal ieu dimimiitian ku Satuan Tugas (Satgas) Citarum Harum Séktor 7 sareng Komunitas Nyasab (Nyapéda Sabtu Babarengan) sareng sababaraha komunitas nu sanésna nu ngajaga program Citarum Harum ieu.

Danséktor 7 Kolonél  Kav Purwadi nyarios yén kagiatan ieu mangrupakeun upaya mikawanoh Program Citarum Harum ka masarakat sacara luas, supados urang sadayana dibiasakeun pikeun melak tangkal ogé ngajaga lingkungan ku teu miceun runtah kamana waé ogé miara lingkungan supados tiasa kaciptana Citarum Harum.

“Dinten ieu (19/9/2020) kami ngalaksanakeun pamelakan tangkal sareng komunitas Nyasab ti Kota Bandung sareng sababaraha komunitas nu ngalakukeun sinérgitas sareng Séktor 7 sapertos AMX, Komunitas Munding Dongkol sareng sababaraha Rélawan di wilayah Séktor 7,” saur Purwadi, sapertos dikutip ti situs resmi jabarprov.go.id (20/9/2020).

Purwadi nyarios, sanaos, ayeuna tos lebet ka usum halodo, tapi pamelakan tangkal di bantaran Walungan Citarum angger dilakonan ku sabab nganggo sistem infus tangkal ieu bakal tumbuh normal sapertos nu pernah dilakukeun sateuacanna.

“Kami tos diajar ti taun sateuacanna kami ngagunakeun sistem infus, jadi tangkalna dipasihan ajir ogé angger kasébor, Alhamdulillah tangkal nu urang pelak hirup sadayana, dinten ieu kami pelak tangkal teuas, sasuai kultur taneuh nu dirékoméndasikeun ku Dinas Lingkungan Hirup (DLH),” saurna.

Épi Kustiawan salaku Pupuhu Dinas Kahutanan Jawa Barat nyarios, pamelakan tangkal ieu mangrupakeun kawenangan Séktor 7 ieu stratégis pisan di lingkungan Citarum Harum, nu jadina kedah dilakukeun pamelakan tangkal.

“Dinten urang melak 1000 tangkal teras salajengna 10 rébu tangkal, aya tumpang sari tangkal nu aya sayur sareng bubuahan jeung sajabana nu jadina masarakat tiasa ngaraosan hasil pepelakanana,” saur Épi.

H. Gun Gun Gunawan salaku Wakil Bupati Kabupatén Bandung nyarios yén pamelakan tangkal ieu bagéan ti invéstasi mangsa ka payun.

“Invéstasi téh sanés saukur wentukna artos atawa barang tapi melak tangkal gé invéstasi margi tangkal nu dipelak terus tumbuh ieu pikeun kalangsungan hirup utamina kanggo generasi nu bakal datang,” saurna.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *