Naon nu Jadi Panyabab Amblesna Jalan Tol Cipali?

Foto: jabarprov.go.id

Wasunda, News – Amblesna jalur tol Cipali kilométer 122 arah Jakarta nu lumangsung dinten Salasa (9 Fébruari 2021) tengah wengi kamari jadi patanyaan. Naha jalan tol nu nembé diwangun éta tiasa ambles? Padahal kan éta jalan téh kuat meureun?

ku kituna, Pusat Vulkanologi sareng Bencana Géologi (PVMBG) Badan Géologi ngajawab patanyaan média, naha jalur tol Cipal kilométer 122 ieu tiasa ambles. Sagalana bakal dijelaskeun supados warga tur média teu kedah naros deui naon nu jadi panyabab amblesna éta jalur.

Jadi saurna, lokasi taneuh ambles mangrupakeun zona héjo atawa tiasa disebat daérah dina poténsi pagerakan taneuh nu alit, mung di kilométe 122 lapisan taneuh ieu siantawisna aya taneuh jaring sareng lempung sarta jalur cai. Nu jadina nalika curah hujan ageung bakal aya pagerakan taneuh.

Sapertos dipikaterang, curah hujan nu teu kakontrol nu lumangsung di Tanah Air. Nyababkeun sababaraha karusakan atawa bencana nu lumangsung.

Badan Nasional Penanggulangan Bencana (BNPB) ngadugikeun, yén sapanjang sasih Januari 2021, aya 263 bencana nu lumangsung. Sababaraha diantawisna nyaéta disababkeun ku curah hujan nu ageung.

Ageungna curah hujan ieu gé ngadamel jalur tol Cipali Kilométer 122 ngalaman ambles nu mana pagerakan taneuh éta leres ayana. Taneuh sapanjang kirang langkung 50 méter di lokasi éta ambles sajeor 2 méter, teras téréh nyéépkeun hiji ruas jalan ka arah Jakarta.

Contraflow gé dilakukeun ka pangguna kandaraan di jalur nu hijina, hal éta dilakukeun supados kandaraan ti arah Cirebon tiasa ngaliwatan lokasi kajadian.

Agus Budianto salaku Kasubid Gerakan Tanah PVMBG Badan Géoloi nyarios, kawasan di tol Cipali mangrupakeun zona héjo atawa daérah dina poténsi pagerakan taneuh nu alit.

“Mung, kontur taneuh di kilométer 122 diantawisna aya taneuh jaring sarta aya lapisan lempung sarta jalur cai, ku kituna aya pagerakan taneuh nalika curah hujan ageung,” saur Agus, dilansir ti jabarprov.go.id (11/2/2021).

Agus gé nyarios, pikeun nyumponan taneuh ambles diperlukeun rékayasa di bagéan gawir pikeun masang pambates nu ditancebkeun dugi bagéan lapisan tanuh nu heuras sarta ngatur drainase atawa saluran cai.

Related Articles

1 Comment

Avarage Rating:
  • 0 / 10
  • GeegleHayoO , 6 Juli 2021 @ 05:22

    Mantap mang berita na. meuni reseup maca berita ku bahasa sunda.

Tinggalkan Balasan

Alamat email Anda tidak akan dipublikasikan. Ruas yang wajib ditandai *