Apindo Jabar: Pangusaha Ngabutuhkeun Stimulus ti Pamaréntah Salila PPKM Darurat

Ketua Apindo Jawa Barat, Ning Wahyu Astutik. Sumber: antaranews.com

Wasunda, Warta – Asosiasi Pengusaha Indonésia (Apindo) Jawa Barat (Jabar) nyebutkeun yén palaku usaha ngabutuhkeun stimulus ti pamaréntah pikeun ngaringankeun dampak tina diterapkeunna kawijakan Pemberlakuan Pembatasan Kegiatan Masyarakat (PPKM) Darurat nu lumaku ping 3-20 Juli 2021.

“Ku situasi dunya usaha nu sapertos kieu, pangusahha nanggung dampak nu luar biasa. Ku kituna kanggo rada ngaringankeunna diperyogikeun stimulus ti pamaréntah dina perkara perpajakan. Misalna, réstrukturisasi pinjaman sareng diturunkeunna bunga bank atanapi wangun sanésna,” ceuk Ketua Apindo Jawa Barat Ning Wahyu Astutik dina siaran pérsna, Jumaah.

Saméméhna, Présidén Joko Widodo nyebutkeun pamaréntah bakal nerapkeun Pemberlakuan Pembatasan Kegiatan Masyarakat (PPKM) Darurat ti 3-20 Juli 2021 husus di Pulo Jawa jeung Bali.

Ning nyebutkeun Apindo Jabar ngarojong ku diterapkeunna kawijakan PPKM Darurat ku pamaréntah lantaran éta hal salaku upaya pikeun kaayaan kiwari nalika kondisi sumebarna covid-19 nu katitén geus masif.

Nurutkeun Ning, dunya usaha sabenerna kamari geus mimiti bounch back, tapi lantaran kondisi kiwari bisa dipastikeun bakal nyieun dunya usaha bakal nurun deui samalah bakal bener-bener stagnant pikeun sababaraha waktu kahareupna.

Lian ti éta, Ning nyebutkeun yén Apindo Jabar og;e ngarojong sangkan vaksinasi covid-19 dilakukeun sacara éfisién hususna pikeun para pagawé.

“Kanggo ayeuna nu utami mah nyaéta urang sadaya butuh ayana percepatan distribusi vaksin kanggo masarakat, kalebet para padamel, katambih deui padamel padat karya nu kantenan langkung sering kontak sareng padamel sanésna, sedengkeun aranjeuna janten pajoang pikeun ékonomi kulawargana,” pungkasna.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *