Ménko Airlangga: Harga Minyak Goréng Rp14.000/Léter Berlaku Isukan

Warga mmuli minyak goreng harga murah nalika operasi pasar di Johar Baru, Jakarta, Senén (17/1/2022). ANTARA FOTO/Akbar Nugroho Gumay/YU

Wasunda – Menteri Koordinator (Ménko) Bidang Perékonomian Airlangga Hartarto ngadugikeun yén pemberlakukan harga minyak goréng Rp14 rébu per léter bakal berlaku Rebo 19 Januari 2022.

“Bakal dikawitan ti poé Rebo kaping 19 Januari 2022 tabuh 00.00 WIB di sakabéh Indonésia. Namung husus kanggé pasar tradisional dibéré waktos penyesuaian salambat-lambatna 1 minggu ti kaping pemberlakuan,” ceuk Ménko Airlangga Hartarto dina kateranganna di Jakarta saréngsé mimpin Rapat Komite Pengarah BPDPKS, Salasa.

Pamaréntah geus mutuskeun kanggé ningketkeun upaya nutupan selisih harga minyak goréng pikeun minuhan kabutuhan rumah tangga, industri mikro, jeung industri leutik.

Kawijakan éta didasarkeun atas hasil évaluasi anu mertimbangkeun kasadiaan jeung katerjangkauan harga minyak goréng pikeun masarakat.

Nganindaklanjuti kawijakan saacanna, pamaréntah mastikeun deui sangkan masarakat bisa meunang harga
minyak goréng kemasan ku harga terjangkau Rp14.000/léter. Upaya nutup selisih harga éta lain sakur dibikeun kangga minyak goréng kemasan 1 léter, namung dibikeun ogé kangge minyak goréng dina kemasan 2 léter, 5 léter, jeung 25 léter.

Minyak goréng kemasan ku harga husus éta bakal disadiakeun saseueur 250 juta léter per sasih salami jangka waktu 6 sasih. Pamaréntah oge bakal teras ngalakukeun monitoring jeung évaluasi sacara rutin, minimal sabulan sakali, pakait jeung impleméntasi kawijakan ieu.

Rapat éta ogé diluuhan ku Menteri Perdagangan, Menteri Perindustrian, Menteri Agraria dan Tata Ruang/Kepala BPN, Diréktur Utama BPDPKS, Menteri Energi dan Sumber Daya Mineral diwakilan Diréktur Jénderal Enérgi Baru Terbarukan dan Konsérvasi Enérgi, Menteri Pertanian diwakilan Kepala Badan Ketahanan Pangan, Menteri Keuangan diwakilan Diréktur Jénderal Perbendaharaan, Menteri PPN/Kepala Bappénas diwakili Députi Bidang Kemaritiman dan Sumber Daya Alam, Ketua Déwan Pengawas BPDPKS, Députi Bidang Koordinasi Pangan dan Agribisnis Kementerian Koordinator Bidang Perékonomian salaku Ketua Sékrétariat Komite Pengarah BPDPKS, Narasumber Utama Komite Pengarah, jeung Tim Asisténsi Ménko Perékonomian.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *