Lir Kembang Buruan, Cirebon Gencar Pikeun Produksi Plasma Darah Sorangan Keur Pasén Covid-19

Dokter di RS Waled Kabupaten Cirebon keur mariksa perkembangan kaséhatan pasén Covid-19 nu keur ngajalankeun prakték térapi plasma darah konvalesen. /Pikiran-Rakyat.com/Agung Nugroho

Wasunda, Cirebon – Terapi plasma konvalensen jadi harepan keur sakumna pasén Covid-19 di dunia. Salila ieu, mémang can aya ubar nu kabukti aman tur éféktif pikeun ngubaran Covid-19. Namung, para panalungtik geus ngabuktikeun yén pamakéan plasma darah ti pasén Covid-19 nu geus cageur bisa ngubaran jalma séjénna nu katarajang panyakit ieu.

Lir budak nu keur resep-resepna ulin diburuan, Pamaréntah Kabupatén Cirebon keur gencar-gencarna mantau jeung ngalakukeun térapi plasma darah nu dilakukeun ka sababaraha pasén Covid-19. Malihan mah Pamaréntah Kabupatén Cirebon boga rencana pikeun mroduksi plasma darah sorangan keur pasén Covid-19.

Palang Merah Indonesia (PMI) satempat geus ngamimitian pikeun nataharkeun peralatan pikeun produksi plasma ti getih para pasén positif Corona nu geus ditetepkeun cageur.

“PMI Cirebon parantos ngagaduhan peralatan pikeun ngaproduksi plasma sarta aya tanaga ahlina. Kacutat salaku salah sahiji ti lima belas PMI di Indonesia nu miboga kamampuan pikeun mroduksi plasma. Sacara téknis tos teu aya bangbalu,” ceuk Ketua Ikatan Dokter Indonesia (IDI) satempat, dr Ahmad Fariz, MZZ, Senén 21 September 2020.

Terapi plasma convalescent, moal waka di gunakeun pikeun ngungkulan pasén nu kakonfirmasi positif Covid-19 di Kota Cirebon. Dinas Kesehatan baris niténan heula hasil tina uji coba di daérah séjén.

Kepala Dinas Kesehatan Kota Cirebon dr H Edy Sugiarto MKes nétélakeun, di wilayah III Cirebon, fasilitas laboratorium nu ditunjuk salaku tempat pamisahan plasma pikeun sampel getih pasén nu cageur, kakara bakal ditunjuk PMI Kabupaten Cirebon.

Salian ti éta, Produksi plasma darah sarta prakték terapi plasma darah konvalesen nu dilakukan di Cirebon meunang rojongan sacara langsung ti Gubernur Jawa Barat, Ridwan Kamil (Emil).

Kang Emil ogé ngajak pasén Covid-19 nu geus ditetepkeun cageur pikeun milu ngadonorkan getihna ka pasén nu masih ngajalankeun perawatan di Rumah Sakit.

Hal itu disebutkeun nalika keur ngagelar jumpa pers di Hotel Radiant, Kabupaten Cirebon, Jawa Barat. Emil nétélakeun, yén dina ngubaran pasén Covid-19 memang aya sababaraha pilihan. Aya nu ihtiar ku obat, tapi kabukti tur kauji nya éta ku cara ngalakukeun terapi plasma.

“Simkuring nyaksian nyalira, seueur ti TNI nyumbangkeun plasma pikeun penyembuhan. Nah simkuring meredih sangkan di Cirebon ogé sami ka nu parantos damang pikeun mantosan sasama, nulungan nyawa ku cara nyumbangkeun plasma nu mémang teruji, bari ngantosan ayana obat nu pasti,” pokna, Minggu (20/09/2020)

Penulis : Rizal Firdaus

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *