Korupsi Bank Jateng Kaungkap Yén Ngarugikeun Nagara Rp597 Miliar

radioedukasi.kemdikbud.go.id

Wasunda, Warta – Karugian nu diakibatkeun Bank Jateng cabang Jakarta ditaksir nepi ka Rp482 miliar. Tuluy di cabang Blora karugian nagara sakitar Rp115 miliar.

Polri ngedalkeun yén kasus dugaan korupsi ieu aya kaitanna jeung pemberian krédit keur sajumlah proyék sapanjang 2017-2019. Di cabang Jakarta koripsi pakait jeung dibéréna krédit ka mantan pimpinan Bank Jateng cabang Jakarta nyaéta Bina Mardjani jeung DIréktur PT Garuda Technology, Bambang Supriyadi.

Bina Mardjani diduga nyatujuan pengajuan krédit ku ngalanggar aturan nu berlaku nalika masih ngajabat kepala cabang Jakarta Bank Jateng.

Samentara, Bambang Supriyadi diduga ngarékayasa kontrak kerja proyék nu dijadikeun dasar pengajuan krédit ka Bank Jateng cabang Jakarta.

Di Bank Jateng cabang Blora, dugaan korupsi pakait jeung panyaluran krédit rekening Koran jeung kredit kepemilikan rumah (KPR) taun 2018-2019.

ASN di Pémkab Blora nyaéta Ubaydillah ngajukeun kredit namung malah dipaké keur mayar hutanag ka bank séjé. Dina 2019, Bank Jateng nyalurkeun deui krédit keur mayar kredit saacanna.

Kepolisian geus néwak jeung netepkeun lima urang salaku tersangka pakait kasus dugaan korupsi di Bank Jateng cabang Jakarta jeung Blora. Maranéhna nyaéta mantan pimpinan Bank Jateng cabang Jakarta nyaéta Bina mardjani jeung Diréktur PT Garuda Technology, Bambang Supriyadi.

Tuluy, mantan Kepala BPD Jateng cabang Blora période 2017-2019 nu ngarana Rudatin Pamungkas, ASN di Pemkab Blora ngarana Ubaydillah Rouf jeung Diréktur PT Lentera Emas Raya Blora Teguh Kristiono.

Tinggalkan Balasan

Alamat email Anda tidak akan dipublikasikan. Ruas yang wajib ditandai *