Inggris Dibérékeun Sanksi jeung Denda ti UEFA Lantaran Ricuh Basa Final Euro

Foto: (ANTARA)(AFP/TOLGA AKMEN)

Wasunda, Olahraga – UEFA salaku badan sépak bola Eropa mérékeun sanksi pertandingan kalayan teu ditongton sarta denda ka Inggris tina buntut karicuhan nu kajadian di sakitar Stadion Wembley basa partai Final Euro 2020.

Inggris kudu maénkeun dua pertandingan tingkat Eropa kalayan teu ditongton sarta didenda 100 rébu euro atawa sakitar Rp.1,6 miliar.

Hukuman pertandingan ieu dibérékeun sabada Komisi Pengendalian, Etik jeug Disiplin UEFA neulis asosiasi sépak bola Inggris atawa FA gagal ngajaga katartiban di jero jeung sakitar stadion.

Basa tanggal 11 Juli kamari, Inggris nyanghareupan Italia dina partai Final Euro 2020 sarta kudu ningali lawanna ngangkat trofi sabada tungkul di babak adu pinalti.

Saacan dilumangsungkeunna pertandingan, sajumlah panongton nu teu boga tikét ngahaja ngadobrak pager Stadion Wembley.

Kacutat aya sakitar 86 urang ditéwak tina kajadian éta, samentara parlemén Inggris ogé nungtut kamandang ti FA ngeunaan kajadian éta.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *