Indonesia Miboga Peluang Jadi Pinunjul Umum Cabang Rowing di SEA Games 2021

Foto: (ANTARA FOTO/Aditya Pradana Putra/foc)

Wasunda – Perburuan medali emas ti cabang olahraga dayung di SEA Games 2021 bakal dilanjutkeun di poé ayeuna (14/5), nu bakal lumangsung di Hai Phong Rowing and Canoeing Training Center, Vietnam.

Tim dayung ti Indonesia miboga peluang nambahan deui koléksi medali emas na di poé pamungkas dina cabang Rowing SEA Games ieu.

Aya opat emas nu bisa disangking ku wawakil Indonesia. Poténsi nambahan medali emas ieu datang ti tim putra, nyaéta Denri M Al Ghiffari/Ferdiansyah di nomor Men’s Pair, Ihram di nomor Men’s Lightweight Single Sculls, Men’s Lightweight Pair ku Jefri Ardianto Suwarno/Rio Riski Darmawan, sarta Memo jeung réngrénganna dina nomor Men’s Lightweight Quadruple Sculls.

Samentara opat nomor lianna nyaéta Women’s Single Sculls, Women’s Lightweight Double Sculls, Women’s Double Sculls, jeung Women’s Lightweight Coxless.

Agus Budiaji salaku pelatih dayung Indonesia nyebutkeun yén tim Merah Putih miboga peluang gedé pikeun jadi pinunjul umum cabang Rowing di SEA Games ayeuna.

Tug nepi ka ayeuna, Indonesia masih mingpin dina sangkingan medali samentara klasemén dayung SEA Games kalayan geus ngumpulkeun opat emas jeung opat pérak.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *