Indonésia Éleh ku Viétnam, Ménpora Mundut Sangkan Ulah Ngahina Timnas

Menteri Pemuda dan Olahraga (Menpora) Zainudin Amali. ANTARA/HO-Humas Kemenpora/am.

Wasunda, Sport – Menteri Pemuda jeung Olahraga (Ménpora) Zainudin Amali mundut supaya masarakat teu ngécé atawa mencemooh timnas Indonésia sabada diéléhkeun Vietnam 0-4 dina laga lanjutan Grup G Kualifikasi Piala Dunia 2022 zona Asia di Dubai, Senén (7/6).

Nurutkeun manéhna, éléhna skuad Garuda ieu teu kudu jadi masalah. Manéhna ngamaklum para pamaén nu turun dina laga kualifikasi ieu mangrupa pamaén-pamaén ngora jeung minim pangalaman dina tanding di level internasional.

“Naon waé hasil timnas Indonésia di Dubai, sim kuring mundut ulah jadi masalah. Tetep aya kamekaran jeung prosés nu hadé di timnas urang,” ceuk Zainudin dina jumpa pérs virtual di Jakarta, Salasa.

“Ulah tepi dicemooh, di-bully ku sabab mental maranéhna masih ngora,” tegesna.

Teu kitu wungkulm Zainudin ogé ngamaklum éléhna nu kaalaman tim asuhan Shin Tae-yong ieu nginget dina perbédaan ranking FIFA nu jauh, di mana Skuad Garuda aya dina posisi 173, sedengkeun Vietnam aya dina peringkat 92.

Manéhna ogé ngingetan para pamaén pikeun disiplin dina latihan jeung pola dahar nalika balik deui ka kleubna séwang-séwangan.

“Loba hal nu kudu dioméan, masih aya waktu. Engké di Liga 1 jeung Liga 2 diasakeun dina kompetisi. Harepanana nalika balik ka kleub, tetep nyekel naon nu geus diala dina timnas,” pungkas Zainudin.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *