Hyundai Hayang Ngembangkeun Chip Sorangan

(REUTERS/Jonathan Ernst)

Wasunda, Warta – Chief Operating Offcer (COO) global Hyundai Motor Jose Munoz ngedalkeun dina poé Rebo (13/10) pihakna hayang ngembangkeun chip shorangan keur ngurangan katergantungan kana nu nyieun chip.

Kakurangan semikonduktor global dipicu ku lonjakan pamesanan laptop jeung produk éléktronik séjénna salila mangsa sasalad geus nutup sababaraha jalur produksi mobil sacara global taun ieu.

Sababaraha pabrik Hyundai dieureunkeun samentara. Namung Munoz ngedalkeun yén masa-masa pangancurna sabab kakurangan chip geus liwat. Kumandang anjeunna, bulan-bulan nu beurat pikeun Hyundai nyaéta Agustus jeung Séptémber.

“Industri chip miboga réaksi nu gancang pisan, tapi dina kasus kami, kami hayang bisa ngembangkeun chip sorangan sahingga teu gumantung teuing,” ceuk Munoz.

Affiliasi bagéan perusahaan nyaéta Hyundai Mobis bakal maénkeun peran konci. Ayeuna Hyundai miboga tujuan keur ngirimkeun kandaraan sasuai jeung rencana awal bisnis keur kuartal kaopat sarta ngimbangan sababaraha karugian produksina dina taun hareup.

Bareng jeung Toyota jeung Tésla, Hyundai mangrupakeun salah sahiji tina sagelintir produsén mobil nu ningkatkeun panjualan global sanajan kakurangan chip.

Hyundai mutuseun keur teu mangkas pesenan salila mangsa sasalad, sabada ningali pasar Asia pulih leuwih kuat ti nu dipiharep.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *