Harimau Sumatera di Riau Paéh Lantaran Tatu Jero jeung Déprési

Foto: (FOTO ANTARA/HO- Humas BBKSDA Riau)

Wasunda, Warta – Anyaran ieu aya iber ti tim médis Balai Besar Konservasi Sumber Daya Alam (BBKSDA) Riau nu dikoordinasikeun drh Danang nyimpulkeun dumasar tina hasil nékropsi ka harimau Sumatera nu kapanggih geus teu hirup deui di Desa Tanjung Leban, Kabupaten Bengkalis disababkeun ku tatu jeung déprési.

Numutkeun Fifin Arfiana Jogasara salaku Plt Kepala BBKSDA Riau nyebutkeun yén hasil éta dibeunangkeun sabada dilakukeun pamariksaan nékropsi jeung pamariksaan sacara patologi anatomi.

“Panyebab harimau éta kapengas pati dipireng lantaran déprési, déhidrasi beurat, kakurangan nutrisi, sarta inféksi kana suku hareup palebah kénca,” ceuk manéhna.

Harimau bikang nu masih rumaja kénéh ieu panjangna sakitar 190 séntiméter ieu kapanggih dina kaayaan geus jadi bangké jeung hareuras.

Mimiti pisan kapanggihna aya tali seling nu meulit kana bagéna suku hareupna, hal éta nu nyababkeun tatu jero nepikeun ka katempo tulangna.

Sabada kitu, pihakna langsung ngaévakuasi harimau nu aya di aréal leuweung produksi nu bisa dikonvérsi (HPK) ka klinik satwa BBKSDA Riau di Pekanbaru.

“Nekropsi dilakukeun pikeun ngungkabkeun panyabab tur pirengan geus sabaraha lila harimau éta geus maot,” pungkas Fifin.

Editor: Imanudin Abdurohman

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *