Gugus Tugas Kota Bandung Ngawangun 3 Tim Pikeun Ngamankeun AKB nu Diketatkeun

Foto: Humas Kota Bandung

Wasunda, Bandung – Pikeun ngadisiplinkeun masarakat Kota Bandung di mangsa Adaptasi Kabiasaan Anyar (AKB) nu diketatkeun, Gugus Tugas Percepatan Penanganan (GTPP) Covid-19 Kota Bandung ngawentuk tilu tim. Tim ieu nyaéta, tim mobilisasi gabungan, tim stasionér, sareng tim khusus panegangan aturan.

Di mangsa AKB nu diketatkeun, Pamaréntah Kota (Pémkot) Bandung nyuhunkeun masarakat taat ka aturan. Salian ti 3M (menggunakan/nganggo masker, menjaga/ngajaga jarak, sareng mencuci/ngawasuh panangan), ogé ngahindar ti karumunan mangrupakeun salah sahiji upaya nyegah panuebaran Covid-19.

Rasdian Setiadi salaku Pupuhu Satpol PP Kota Bandung nyarios aya 3 tim nu gerak sacara sasarengan nalika wengi, utamina nalika Sabtu wengi. Hal ieu ku sabab weekend ieu langkung seueur jalmi nu ngurumun di sababaraha lokasi di Kota Bandung.

“Aya tim mobilisasi gabungan. Tim ieu bakal ngabubarkeun karumunan. Ku sabab ningal situasi kondisi khususna malam minggu, éta (pambubaran karumunan) kedah dilakukeun,” saur Rasdian, sapertos dikutip ti situs resmi Humas Kota Bandung (20/9/2020).

Salajengna tim stasionér atawa nu angger ngalakukeun tugas di Alun-alun Kota Bandung. Aranjeunna ngalakukeun tugas ngabubarkeun karumunan di sakurilin jalan nu tos ditutup ti saprak tabuh 21:00 WIB.

“Kanggo nu ngabubarkeun karumunan aya nu mobilisasi, éta dinamis. Aya nu angger ditempatkeun di Alun-alun, Braga, Jalan Soekarno. Margi émang Jalan di sakuriling Alun-alun ditutup ku Satlantas (Satuan Lalu Lintas), sareng Dishub (Dinas Perhubungan),” pokna.

Anjeunna gé ngingetan sacara bertahap yén masarakat pikeun uih deui ka bumina séwang-séwang.

“Pambubaranana sacara bertahap sareng pikeun stéril ti karumunan. Kami ngahimbau masarakat pikeunn uih ka bumi séwang-séwang,” lajengna.

Tim katilu nyaéta, tim khusus panegakan hukum nu ngalakukeun tugas ngadisiplinkeun para palaku usaha nu tos ngaliwatan bates jam operasional.

“Kami tos aya jadwalna tempat-tempatna di mana waé. Tapi kami gé bakal ngaréspon pangaduan masarakat. Misalna wengi ieu, aya pangaduan warga, kami indit ka dinya,” saurna.

Ku kituna tim panegakan aturan ngalibatkeun gugus tugas di unggal kacamatan.

“jadi sajauh mana kacamatan tiasa ngajaga wilayahna ngkin dibantos panguatanana ku tim Gugus Kota. Ku sabab urang teu tiasa ngajada unggal wilayah,” pungkasna.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *