Ékonomi Kreatif Masarakat Ibun Maju Hasil Binaan PT. Pertamina Kamojang

tribunjabar.id

Wasunda.com, Bandung – Sapertos naon anu dilakukeun ku PT. Pertamina Géothermal Énergy Kamojang di Kacamatan Ibun, Kabupatén Bandung. Ku ayana parusahaan di hiji tempat, kudu mampu méré parobahan anu hadé pikeun ékonomi masarakat. Minimalna mampuh ngabina jeung  ngembangkeun produk ékonomi kréatif masarakat sakitarna.

Ku ngaliwarat dana CSR PT Pertamina Geothermal Energy Kamojang, masarakat kiwari jadi leuwih produktif jeung proaktif kana kagiatan pambinaan jeung palatihan anu di lakukeun ku PT Pertamina Kamojang. Unikna lain masarakat wungkul anu ka keunaan dapak positifna, tapi barudak Punk anu biasana osok di “cap” négatif kiwari robah jadi barudak anu produktif.

Adi Rahmadi salaku Supervisor External Relation ti parusahaan ngawartakeun parusahaanna keur ngaberdayakeun kelompok wanita mandiri sareng ngabina barudak punk.

“utamina kanggé dua hal anu ayeuna nuju dijalankeun inténs, nyaéta kelompok wanita mandiri sareng ngabina barudak punk,” saur Adi.

Sala saurang anggota kelompok wanita mandiri anu usahana maju nyaéta, Maya Rusmayanti ku produk busana Its Blazer Ibun. Ku ngaliwatan sababaraha program palatihan jeung pambinaan ti Pertamina Kamojang, jadi modal anu utama pikeun kamajuan usahana dina widang fashion ieu.

 “dina awalna masarakat misah-misah sateuacan dihijikeun dina hiji kalompok wanita mandiri, dipasihan bekel palatihan, dikontrol kualitas produksina, cara ngemas produkna, dugi ka produk tiasa di pasarkeun kucara koléktif, boh ku ngaliwatan ayana paméran, undangan ti dinas kabupatén sareng provinsi, sareng anu lainna,” saur Adi, nambahan.

Majuna ékonomi kréatif masarakat ieu ogé dimanfaatkeun ku Yanti Lidiati pikeun ngajak barudak punk sangkan aktif jeung produktif dina kagiatan kamasarakatan, sala sahiji léngkah anu di lakukeun nyaéta ku cara ngalibatkeun barudak punk anu biasana dijalan jadi barudak anu ilu bilung dina kagiatan masarakat ékonomi kréatif.

Lamun biasana barudak punk idéntik ku kagiatan anu teu mantes jeung osok ngaresahkeun di lingkungan masarakat, tapi pikeun Adi henteu sadaya barudak punk ngalakukeun hal anu négatif sabab maranéhna teu aya wadah pikeun ngamangfaatkeun waktu jeung kamampuanna pikeun kagiatan anu positif, sakaligus ditarima ku masarkat.

 “saatos dibina, barudak punk ieu bisa robah jadi leuwih hadé. Misalna mupus tato, teu mabok jeung ngajauhkeun diri tina narkoba, bahkan barudak punk dibéré niléi édukasi budaya sapertina diajarkeun musik angklung jeung lainna. Hentu ngan dibina wungkul, kami ogé méré fasilitas sangkan maranéhna boga pagawéan, sala sahijina fasilitas cuci motor. Ayeuna barudak punk jadi barudak anu produktif, henteu sapaerti saacanna sanajan masih ulin dijalan,” saur Adi, Senén (21/9/2020).

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *