19 Kasus COVID varian Omicron Dikofirmasi di Bostwana

Ilustrasi Omicron SARS-CoV-2. ANTARA/REUTERS/Dado Ruvic/aa. (REUTERS/DADO RUVIC)

Wasunda, Warta – Botswana sajauh ieu geus ngonfirmasi 19 kasus varian COVID-19 Omicron nu kakara kapanggih, ceuk pejabat kaséhatan dina poé Minggu (28/11).

Menteri Kaséhatan Edwin Dikoloti nalika konferénsi pérs ngedalkeun yén évaluasi jeung analisis leuwih lanjut pikeun sampel positif COVID-19 séjénna ngungkapkeun ayana 15 kasus anyar varian COVID-19 Omicron dina Minggu isuk-isuk.

Saacanna minggu kamari opat warga nagara asing (WNA) dinyatakeun beunang inféksi varian Omicron.

“Kami bakal terus ngaperluas pelacakan keur mastikeun yén teu aya kasus poténsial nu kacolongan,” ceuk anjeunna.

Dikoloti terus ngedalkeun yén kasus awal varian Omicron di Bostwana kadétéksi sabada opat WNA nu ngalakukeun perjalanan singket di nagara ieu, dinyatakeun positif COVID-19 dina 11 Novémber.

Varian ieu tuluy dikonfirmasi salaku Omicron dina 24 Novémber.

“Temuan siga kieu kuduna teu disaruakeun jeung Bostwana jadi sumber varian ieu,” ceuk Dikoloti.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *