160 Siswa MAN 2 Jakarta Timur Ngalaksanakeun Vaksinasi Covid-19

Vaksinasi di MAN 2 Jakarta Timur. Sumber: antaranews.com

Wasunda, Warta – 160 urang siswa Madrasah Aliyah Negeri (MAN) 2, Ciracas, Jakarta Timur, ngalaksanakeun vaksinasi covid-19 pikeun umur 12-17 taun.

Kepala Sekolah MAN 2 Wido Prayoga nyebutkeun, dilaksanakeunna vaksinasi covid-19 dilakukeun dina sababaraha tahap.

“Pikeun siswa totalna aya 803, engkéna dibagi janten sababaraha tahap. Kahiji aya 160 siswa nu divaksin dinten ayeuna. Kanggo tahap salajengna baris dilaksanakeun vaksin ogé,” ceuk Wido Prayoga di Jakarta, Jumaah.

Wido nambahan yén saméméh divaksinasi para siswa dilakukeun pamariksaan heula ku tim vaksinator. Upama dina pamariksaan kaséhatan nunjukkeun hasil s;ehat, mangka bisa dilakukeun vaksinasi.

Wido nyebutkeun siswa nu ngalaksanakeun vaksin covid-19 kudu meunang heula idin ti orang tua/wali na séwang-séwangan. Lian ti éta, Wido ogé meredih sangkan para pamilon tetep nerapkeun protokol kaséhatan.

“Ka marurangkalih ogé para sepuh nu ngajajap diperedih supados teu ruang-riung, jaga jarak minimal saméter satengah supados kasingkahan tina virus,” ceuk Wido Prayoga.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *