Napoli Kéok, Barcélona ngamankeun tiket 8 besar Liga Champions – Wasunda

Foto: football5star.com

Sport – Laga antara Barcélona ngalawan Napoli dina wengi tadi ngajadikeun pambuktian Barcélona. Sanajan gelar Laliga geus direbut ku Réal Madrid musim 19/20, tapi kualitas permainan anu hadé jadi cukang lantaran club anu boga julukan Él Barca ieu meunang 3-1 ngalawan Napoli.

Babak anu kahiji Napoli geus nyerang gawang Barcélona ti menit awal pertandingan, hasilna sababaraha peluang bisa diciptakeun. Salah sahiji peluang emasna nyaéta sepakan pamaén nomer 7 Napoli mentog kana tihang gawang, saenggeus narima operan anu hadé ti kaptén kasabelasan Lorenzo Insigne.

Jalana permainan di babak ka hiji, kadua tim maén gencar sabab boga targét meunang supaya bisa lolos ka babak 8 gelaran Liga Champions taun ayeuna. Lain perkara mudah, sababaraha kali kadua tim ieu adu stratégi nyerang anu bisa dijadikeun modal jang ngasupkeun bal ka gawang lawan.

Tapi singhoréng Déwi Fortuna mihak ka Barcélona anu bisa ngasupkeun. Saréatna tina sepakan kornal Ivan Rakitic anu melengkung teras ditampi langsung ku hédenan Lénglét, bék asal Prancis. Kaunggulan Barcélona dibuka dina menit sapuluh, méré énergi jeung motivasi kanggo pemaén-pemaén Barcélona lainna sangkan bisa maén leuwih kompak sangkan bisa nambah gol deui.

Gol anu kadua dimenit 23 ngaliwatan aksi skil individu Méssi anu ngaliwatan 5 pamaén Napoli, teras disepak ku sampéan kojona (kénca). Sépakan anu melengkung jeung tarik ieu teu bisa ditepak ku kiper, ahirna skor nambahan jadi 2-0.

Tujuh menit saenggeus éta Méssi ngasupkeun deui ka kawang Napoli, hasil umpan ti Suaréz anu di kontrol ku dada terus dikeploskeun langsung kana gawang anu sabenerna sudut sempit. Tapi hanjakalna gol ieu dianulir wasit saenggeus aya komunikasi jeung tim VAR, sabab dianggap balna keuna kana leungeun Méssi.

Gol anu katilu nyaéta ngaliwatan Méssi anu langsung nutup ruang gerak bék Napoli. Akibat kukalalaian Koulibaly bék Napoli, ahirna Méssi bisa ngarebut bal. Ahirna Koulibaly kur bisa nyépak suku kénca Méssi anu matak Mési gogoréntélan akibat kanyeri. Sépakan pinalti dicokot ku Suaréz, berkat pagalaman anu ampuh ahirna saréat pinalti éta Suaréz bisa ngabobol kiper Napoli dimenit ka 41.

Dina menit anu ka 45+1 Napoli meunang hadiah najong pinalti anu di éksékusina ku kaptén kasabelasan Napoli, Lorenzo Insigne. Pinalti ieu diawalan ku kasalahan Ivan Rakitic anu ngalakukan pelanggaran dina kotak pinalti, nepi ka Pamaén Napoli ieu langsung labuh. Ahirna hadiah pinalti langsung dibikeun ka tin Napoli. Sekor ngilu rubah jadi 3-1, masih jang kaunggulan Barcélona.

Dibabak anu kadua, permainan teu pati loba anu rubah. Serangan-serangan ti kadua tim méré tontonan anu ramé pisan jang ditonton. Ngan hanjakal nepi ka ahir permaénan, skor 3-1 kanggo kameunangan Barélona henteu obah.

Hasil unggul agrégat 4-2 nganteurkeun él Barca maju ka babak opat beras Liga Champions 2020, Ahad, (9/8/2020).

Editor : Aldy Alfiandi