Mulai Raména Bisnis Hotél Sareng Wisata di Jawa Barat – Wasunda

Foto: jabarprov.go.id

Badan Pusat Statistik (BPS) Provinsi Jawa Barat nyebatkeun Tingkat Penghunian Kamar (TPK) Hotél di Jawa Barat dugi ka Juni 2020 dugi ka 19,13 persén. Ku kituna naék dugi ka 5,78 persén dibandingkeun TPK Méi 2020 nu mung saukur 13,35 persén.

“TPK Hotél bintang sareng non bintang ngalaman kanaékan,” saur Dyah Anugrah salaku Pupuhu BPS Provinsi Jawa Barat, dikutip ti situs resmi Pémprov Jawa Barat (9/8/2020).

TPK Hotel bintan dina sasih Juni 2020 saageung 20,76 persén, naék 7,84 persén dibandingkeun TPK Méi 2020 nu saukur 12,92 persén. TPK pangageungna dumasar kelas horel bintan kacatet di hotél bintang 5 saageung 24,25 persén, sedengkeun TPK pangalitna aya di hotél bintang 3 saageung 18,67 persén.

TPK hotél nonbintang dina Juni 2020 saageung 15,57 persén, naék 1,70 poin dibandingkeun Méi 2020 nu kacatet 13,87 persén. TPK pangageungna kanggo hotél nonbintan aya di hotél nu kelompok kamar di handap 10 unit saageung 19,31 persén. Sedengkeun TPK hotél nonbintan nu pangalitna aya di hotél nu kelompok kamar langkung ti 40 unit saageung 13,36 persén.

Rata-rata lamina mondok tamu di hotél bintang Juni 2020 kacatet 1,65 dinten sareng di hotél non bintang salami 1,22 dinten. Tamu asing mondok di hotél bintang rata-rata salami 3,22 dinten sareng di hotél nonbintang salami 1,46 dinten, sedengken tamu asal Indonésia mondok rata-rata salami 1,63 dinten di hotél bintang sareng 1,21 dinten di hotél non bintang.

Saprak Maret 2020, kanggo ngurangan panyebaran Covid-19, Bandara Husein Sastranegara sareng Bandara Kertajati ditutup samentawis kanggo panerbangan internasional nu jadina di sasih Méi sareng Juni 2020 teu aya wisatawan mancanegara nu lebet ka Jawa Barat liwat bandara.

Wisman nu kacatet lebet ka Jawa Barat ngawitan Juni 2020 saseueur 103 jalmu sadayana crew kapal nu datang liwat Pelabuhan Muara Jati, jumlahna naék dugi ka 30,38 persén disbanding sasih Méi 2020. Sacara kumulatif Taun 2020 jumlah wisman ka Jawa Barat kacatet 30.941 jalmi, turun 59,21 persén dibandingkeun Taun 2019 période nu sami.