MPLS Online Taun Ajaran Anyar Dikawitan 13 Juli 2020 – Wasunda

Foto: Youtube.com (11/7/2020, 9.24 WIB)

Jawa Barat- Masa Pengenalan Lingkungan Sekolah (MPLS) atawa biasa disebut ospek di taun ajaran ayeuna bakal bèda ti taun-taun saacana. Hal ieu kusabab Pamerentah Pusat  masih usaha sangkan nyegah sumebarna virus corona/ covid 19. Kukituna, MPLS taun 2020 di Jawa Barat bakal dilakukeun sacara online atawa make media sosial.

Dumasar disdik.jabarprov.go.id (11/7/2020) ayeuna tos sayogi pedoman MPLS kangge tingkat SMA, SMK jeung SLB di Jawa Barat taun 2020. Dina situs èta bakal disayogikeun lengkap jadwal MPLS luar jaringan atanapi online.

Diantawis jadwal kagiatan MPLS SMA di jawa Barat nyeta ping 13 dugi ka 17 Juli 2020 ti jam 07.00 dugi ka 13.00 WIB. Kagiatana dilaksanakeun di imah masing-masing peserta didik,kangge pembukaan MPLS na tiasa dilaksanakeun disakola sacara simbolis tapi tetep kudu merhatikeun protokol kasehatan sangkan nyegah sumebarna covid-19.  PLS dilaksanakeun dumasar kana jadwal PLS nu tos ditangtoskeun ku sistim Luring atawa Daring ,dikawitan ku Janji Siswa pas Bubuka kagiatan PLS dinten Senén  ping 13 Juli 2020. Kangge sistim PLS Luring atawa Daring disaluyukeun ku kaayan sakola jeung peserta didik dina perkawis kasayogian jaringan/akses internet. Dina pelaksanaana PLS taun ayeuna dibagi ka tilu rupa kagiatan, nu kahiji pra-PLS, nu kadua pelaksanaan PLS, nu katilu na pasca-PLS. Kagiatan PLS jadi tanggel walon pupuhu sakola kalawan ngalibatkeun guru-guru, pangawas pembina, komite sakola jeung sepuh  sewang-sewang peserta didik. Sabtu, (11/7/2020)