Mimiti Isuk 27 Juli 2020 Teu Maké Masker Warga atawa Wisatawan Jawa Barat di Denda 150 Rébu – Wasunda

sumber foto: tribunjabar.id

Warga Jawa Barat wajib apal, ènjing atanapi Senen 27 Juli 2020 kabijakan denda kanggé warga nu teu nganggé masker bakal di terapkeun. Denda na nyaéta antawis Rp100.000 dugi ka Rp150.000. 

Dumasar Tribunjabar.id (25/7/2020), kabijakan denda masker ieu tos teu tiasa ditawar, Gubernur Jawa Barat Ridwan Kamil mastikeun yén denda ieu bakal diterapkeun di awal minggon payun. Gubernur Jawa Barat Ridwan Kamil ngemutan yén makna ti diterapkeuna denda nu teu nganggé masker téh nyaéta kanggé ngadisiplinkeun warga sangkan Adaptasi Kebisaan Baru (ABK) janten kabiasaan warga Jawa Barat.

“Denda masker tetep dingawitan ti ping 27 Juli 2020, namung ngantosan serat Inpres nu dijangjikeun ku Presiden Republik Indonesia Pak Jokowi per dinten ayeuna teu acan turun, mugi- mugi enjing atos aya,” Sanggem Gubernur Jawa Barat Ridwan Kamil di Pendopo Cianjur, Jumat (24/7/2020).

Ridwan Kamil nguningakeun yén intina denda masker ieu téh kanggé ngadisiplinkeun sangkan upami hoyong ekonomi tiasa jalan deui, acara kawinan tiasa normal deui, sadayana kedah nganggé masker.

“Hasil survey masih 50% nu disiplin nganggé masker, kin daerah mana nu kedah diteken seeur ngenaan denda masker ieu tugasna pamaréntah Provinsi Jawa Barat kanggé ngabina,” Sanggem Ridwan Kamil dina Tribunjabar.id.

Anjeuna ogé ngajelaskeun upami atos diberlakukeun denda masker maka éta diuihkeun deui teknisna ka sewing- sewangan daérah kumaha teknis kabijakan nu terapkeuna.

“Pemerintah Provinsi Jawa Barat tos masihan rekomendasi kanggé ningkatkeun disiplin,” Sanggem Ridwan Kamil.

Anjeuna ngaapresiasi pihak kapolisian anu tos mayunan ngalakukeun sosialisasi ku ayana operasi patuh. Polisi mamatahan warga sareng nu naék kendaraan nu aya ditempat umum sangkan teras nganggé masker.

Pengamat Kebijakan Publik, Prof Cecep Darmawan nganilai rencana pamarentah Provinsi Jawa Barat nu bakal nerapkeun sanksi denda artos ka warga nu teu ngagunakeun masker di luar roangan saur anjeuna kirang efektif.

Tina sisi kabijakan publik, sanggemna, sanksi denda artos kedahna janten lengkah terkahir saatos ngalaksanakeun edukasi sareng sosialisasi ka masyarakat ku cara nu maksimal.

Salian ti éta, anjeuna nambihkeun, tina sisi hukum, upami dasar hukumna sanes ti undang -undang atanapi peraturan daerah (Perda), tiasa waé bakal teu saluyu sareng prosedur. Sabab, sanksi nuaya kaitana sareng denda téh ti undang-undnag sareng perda.

Ridwan Kamil nyalira nguningakeun yén sanksi denda ieu diterapkeun ka wisatawan nu datang ka Jawa Barat. Minggu,(26/7/2020).