Miceun Budak Kusabab èra, Ieu Indung Mayit Orok Nu Di Gugusur Ku Anjing Di Tasikmalaya – Wasunda

Foto: kilangbaracom

Kabupaten Tasikmalaya- Kaungkap indung ti mayit orok nu digugusur ku anjing di leuweung Desa Cibungur, Kacamatan Parungponteng, Kabupaten Tasikmalaya.

Dumasar jabar.tribunnews.com  (16/7/2020) indung budak inisialna AN, wanoja yuswa 20 taun nu mangrupikeun warga Kampung Pasanggrahan, Desa Cibungur.

Tina laporan wartawan Tribunjabar.id orok èta dilahirkeun ku AN tina hasil hubungan nu dilarang agama. AN hamil kulantaran hubungan jeung kabogohna. Hal ieu nu ngajadikeun AN èra, teu siap gaduh putra dina usia ngora. Kasaterskrim, AKP Siswo De Cuellar Tarigan nguningakeun yèn AN ngalahirkeun di kamar mandi tempat nènèhna gawè di salah sahiji lambaga kauangan. 

Kapolres Tasikmalaya, AKBP Hendria Lesmana, didampingi ku Kasatreskrim, AKP Siswo De Cuellar nguningakeun AN ngaraos bingung saatos ngalahirkeun. Perasaan èra nu ngajantenkeun AN nekat ngantepkeun orokna dugi ka maot. AN miceun orok ka leuweung, nguburna teu jero. 

“Dikuburkuena dangkal janten babari digali ku anjing,” Sanggemna.

Ditilik tina jabar.tribunnews.com (16/7/2020) mayit orok lalaki èta teu kahaja kapanggih ku anjing teras katingali ku warga nu nuju moro. Leuweung ieu jarang di datangan ku warga. Upami teu aya warga nu ka lokasi moal mungkin kapendak. Siswo nyebatkeun yèn  anjing mamawa mayit orok kucara digègèl. Warga nu moro makè senapan angin langsung ngadekeutan anjing èta. Mayit orok tos teu utuh, nu moro langsung ngalaporkeun ka warga. Kawitna warga nyangki èta mayit maot na wajar sareng atos dikubur. Kukituna, warga langsung ngamandian deui mayitna teras dikubur deui. Namung, warga melang kana naon nu nyebatkeun èta orok dugi ka maot. Teras warga langsung ngalapor ka Polsek, ku Polsek mayit dicanak ka RSU dr Sukarjo kanggè diautopsi. 

Pemantauan Tribun di kamar mayit, Rebo (15/7/2020) wengi, kondisi mayit orok èta tos mulai buruk jeung bau. Saur petugas kamar mayit, sanaos nembè sadinten dikubur, kondisi mayit orok mah biasana sok ènggal buruk tibatatan  mayit anu tos dewasa. Dua panangana tos teaya. Duka sabab digègèl ku anjing atawa aya sebab nu sanèsna. Juma’ah, (17/7/2020).

Editor : Muhamad Hasanudin