Marakna Kasus Kekerasan Fisik Dugi Seksual – Wasunda

Foto : ayobandung.com

Di zaman kiwari anu meujeuhna marak kamajuan tékhnologi jadi pamicu utama palécéhan psikis sareng séksual ka barudak istri, utamina barudak anu masih kelebet anak-anak. Di partengahan sasih juli 2020 ieu ramé timimiti dina kahirupan nyata dugi ka média sosial anu ngawartakeun ayana kakerasan psikis sareng séksual ka barudak dibawah umur.

Ti sasih Januari dugi ka Juli taun 2020, Dinas Pemberdayaan Perlindungan Anak dan Pemberdayaan Masyarakat (DP3APM) Kota Bandung nampi laporan kirang langkung 70 kasus kakerasan ka barudak. Kakerasaan ieu diantawisna psikis, fisik dugi ka seksual.

Hal ieu salaras sareng ucapan Kabid Perlindungan dan Pemenuhan Hak Anak DP3AMP Kota Bandung, ibu Aniek Fébriani. Saur anjeuna, tina angka éta aya aduan sepuhna anu ngajelaskeun yén putrina kajarumus kana prostitusi online. Alesanna utamana seuseueurna nyaéta ku faktor ékonomi.

“ti sasih januari dugi sasih juli 2020, aya kakerasa ka barudak. Diantarana kakerasan psikis akibat dampat ékonomi.” Saur ibu Aniek di balé Kota Bandung.

Anjeuna nambihan, kanggé kakerasan seksual sareng kasus prostitusi online jumlah sadayana aya 30 kasus. Sedengkeun kakerasan fisik aya 20 kasus, sareng kakerasan psikis aya 20 kasus. Éta anu ngalaporkeun, tangtu anu teu lapor langkung ageung jumlahna tibatan ieu.

Anjeuna nyontokeun, kasus prostitusi anu kadata nyaéta barudak anu ngamanfaatkeun aplikasi anu sosok difungsikeun média prostitusi online. Barudak anu kalibat kasus ieu seuseueurna barudak anu umurna acan 18 taun.

“aya kasus barudak anu meunang kakerasan seksual ti lingkungan, tapi saalit. Aya ogé barudak anu kajerat prostitusi online. Ku ayana tékhnologi, mawa pangaruh pisan ka barudak.”saurna.

Faktor lain nyaéta, kabutuhan anu teu kafasilitasan ku sepuhna. Timimiti perhatian, kasih sayang sareng nulainna. Hal ieu anu janten pendorong kuat barudak tiasa kajarumus kana prostitusi online. Kantenan dina masa panemi sapertos kieu, aktivitas barudak henteu tebih tina internét.

“barudak teu aya waktu kanggé ngobrol sareng sepuhna, janten aranjeuna milari batur. Prilaku éta dilakukeun utamina kanggé nyukupan hal anu teu tiasa ditedunan ku pihak keluarga atanapi sepuhna. Misalna ékonomi.” Bu Aniek nambihan.

Sanés éta wungkul. Kakerasan psikis barudak bisa diakibatkeun tina situasi sepuhna anu paséa baé. Hal éta masihan dampak ageung kana parkeumbangan psikologi barudak. Dumasar kadinya, para sepuh kedahna tiasa masihan peran anu saé, tiasa janten réréncangan ngobrol kanggé barudakna. Leres pisan, dina waktos kiwari anu nuju diserang ku pandemi, barudak pasti meryogikeun perhatian tinu janten sepuhna sabab barusak bakal ngarasa bosen teu aya aktivitas saperti biasana lamun sakola, rebo (22/7/2020).

Editor : Muhamad Hasanudin