Mantan Kadés Ditahan Kusabab Salahgunakeun Raskin – Wasunda

Sumber: Garutexpress.id 11.45 WIB.

Warga desa di kacamatan Cibalong, Garut palihan kidul geunjleung pedah ngadangu pupuhu désana ditéwak ku pihak anu wenang. Alesanna pédah si tersangka ieu nyalahgunakeun beas raskin anu ageungna nyaéta Rp. 1,7 Miliar.

Sabab kasusna éta pupuhu desa ahirna dicabut kakawasaanna salaku kadés na ku pamaréntah pusat. Kajaksaan Garut ogé nahan hiji babaturan mantan kadés anu ngabantuan rencanana, inisialna DS. SK (mantan kadés) jeung DS nyalahgunakeun beas raskin ti taun 2014.

Saur Sugen Hariadi salaku pupuhu Kajari Garut ngabéwarakeun yé DR téh mantan kadés Mekarsari, Kacamatan Cibalong. DR ti taun 2014 nepi ka taun 2016 henteu nyalurkeun béas raskin ka masarakat sakumaha kuduna.

“béas dicandak ti bulog, tapi henteu dipasihkeun ka masarakat. Sadayana aya kana lima kali béas raskin ieu disalahgunakeun.” Kitu saur Sugeng di kantor Kajari Garut, jalan merdeka, jumaah (10/7/2020).

Tah kitu ogé saur Déni Marincka Pratama salaku Kasipidsus Kajari Garut nambahan yén akibat tina nyalahgunakeun éta béas raskin téh, nagara karugian nepi ka 1,7 miliar. Artos anu sakitu ageungna dipaké jang kapentingan sorangan.

Dilansir tina laman Garutexpress.id Déni ngabéwarakeun.

“janten si ieu béas raskin téh atos kaluar, namung henteu dugi ka masarakat mah. Padahal anggara kanggé raskin ieu atos pasihkeun sakumaha kuduna.

Ayeuna kajari Garut terus naliti kasus ieu, sabab bakal aya kasus anu sarua. DS jeung KS ayeuna geus ditahan sabab keuna ku pasal 2 jeung 3 undang-undang nomer 31 taun 1999 ngunaan pemberantasan tindak pidana korupsi. Hukumanna minimal opat taun panyara, Mingu (12/7/2020).

Editor : Muhamad Hasanudin