Mang Aya Naon? – Wasunda

Foto: situs Bandung Diary

Ah! Geus teu anéh aingmah, parapatan Buah Batu meni lila lampu beureumna. Jigana na mah kuring bari nonton drakor gé bisa ieumah ngadagoan lampu beureum didieu téh. Drakor gening Drama Koréa Utara, alah! Meni sararieun.

Geus ngadagoan setengah jam téh ieu lampu héjo ogé, duh! Éta mah langsung wéh kuring tancap gas da bagéa pisan ku penantian ieu lampu beureum Buah Batu téh.

Anéhna, pas Batununggal mah da asa sakeudeung lampu beureum téh. Naha macétna meni panjang? Ai kuring téh teu apal aya naon di hareup da kahalangan ku macétna jalan. Ai ceuk nu sabeulah mah aya kacilakaan cenah. Kuring téh panasaran nya nanya wéh ka batur. Kabeneran aya tukang baso tahu di sisi jalan. Ku kuring téh langsung wéh taros.

“Mang aya naon?” saur kuring

“Séép Kang kantun bumbuna wungkul,” ceuk si emang bari ku polos

“Ah, teuing ah, lieur!” ceuk kuring bari indit ninggalkeun si emang.