Makam Sunda Wiwitan Diségel Kaum Intoléran – Wasunda

Foto: change.org

Dinten Senén, 20 Juli 2020. Bakal astana kulawarga atawa pasaréan sesepuh Adat Karuhun Urang (AKUR) Sunda Wiwitan nu lokasina di Curug Goong, Désa Cisantana, Cigugur, Kuningan diségel ku Satuan Polisi Pamong Praja (Satpol PP).

Ku kituna, ieu tindakan panyégelan téh kaasuh tindakan nu ngalanggar hukum, kacutat di Undang-Undang Dasar 1945 Pasal 28E ayat (1) nyatakeun, Unggal jalmi bébas milih agama sareng ibadah dumasar ti agamana, ayat (2) Unggal jalmi gaduh hak dina kabébasan yakin dina kapercayaan, nyataleun pikiran ogé sikap sasuai sareng haté nurani na. ogé, Pasal 29 ayat (2) Negara ngajamin kamerdékaan unggal-unggal penduk kanggo milih agamana séwang-séwang sareng kanggo ibadah dumasar agama sareng kapercayaan na.

Ku kajadian nu tos ditimpa masyarakat Adat Karuhun Urang Sunda Wiwitan. Seueur dukungan ti sababaraha masyarakat adat ogé média. Kaasup koalisi masyarakat sipil nu ngecam tindakan panyégelan ieu.

Dumasar ti situs tirto.id. kaping 8 Juli 2020 kamari salapan jalmi wawakil Adat Karuhun Urang Sunda Wiwitan dongkap ka DPRD Kabupatén Kuningan kanggo naroskeun petunjuk pelaksanaan (juklak) sareng petunjuk téknis (juknis) ngeunaan Izin Mendirikan Bangunan (IMB) kanggo makam di luhur taneuh kulawarga, nu aya di lebet Pérda Kabupatén Kuningan Nomor 13 tahun 2013 ngeunaan Perangkat Désa.

Girang salaku Pangaping Akur Sunda wiwitan nyarios yén DPRD Kabupatén Kuningan ternyata can gaduh aturan ngeunaan IMB tanah makam kulawarga. Anjeunna gé ngajelaskeun pami can aya aturan ieu kedahna ulah aya paksaan kanggo ngayakeun aturan IMB ieu. Éta malah jadi hiji cara pamaréntah kanggo nutup jalur penghayat kepercayaan (Sunda Wiwitan) dina kabébasan éksprési ngawangun paninggalan Adat Karuhun ti Sunda Wiwitan, geus jelas, UUD 1945 gé milu ngajaga kabébasan milih agama.

“Pami can aya aturanna, tong maksakeun aturan ku ngakudukeun aya IMB. Komo deui nepi panyégelan,” saur Girang, dikutip ti situs tirto.id (30/7/2020)

Ku kituna, Bupati Kuningan, Acép Purnama ogé sareng jajaranna wajib masih fasilitas warga AKUR Sunda Wiwitan kanggo ngawangun bakal pasaréan sesepuhna.

Ulah geuleuh lamun can wawuh, ulah ngalarang lamun can aya aturan pasti!