Mahakarya Rosid Dugi Ka Mancanegara – Wasunda

Foto: Disbudpar Kota Bandung

Rosid, salah sahiji seniman nu asalna ti kulawargi patani ieu téh bisa nyulap guratan dina pingsilna jadi karya nu éndah. Tahun 1989 pas tamat SMA, Bapa Rosid nhgawitan janten seniman seni rupa nu mampu mamérkeun hasil karyana dugi ka mancanegara. Diantawisna ka Singapur, Filipina, Koréa Selatan, sareng Hongkong.

Anjeunna ayeuna tos gaduh studio nu namina “Studio Rosid”. Nu ngadamel unik ti ieu studio téh lain saukur mamérkeun hasil karyana. Tapi studio ieu didamel khusus kanggo ngingetan memori kahirupan kapungkur Bapa Rosid di lembur. Teu héran pami ka Studio Rosid rasana jiga di suasana lembur.

Studio ieu aya sababarihiji area, diantawisna nyaéta studio dua lantai. Lantai hiji mamérkeun sababaraha lukisan Pa Rosidi liwat media kai. Nu di lantai dua seuseueurna seueur mamérkeun lukisan tina media kanvas. Komo aya ogé lukisan nu didamel tina batu.

Aréa kadua nyaéta Galéri. Sami sareng studio, Galéri ieu gé aya dua lantai. Dua langtai éta pinuh ku lukisan ti media kanvas. Mung sababaraha diantawisna nyaéta lukisan Pa Rosid nu didamel nganggo cat acrylic. Studio Rosid ogé aya Perpustakaan. Perpuskaan ieu téh diwangun mangrupa ruangan alit nu eusina buku-buku ngeunaan seni rupa.

Pami anjeun bade ka Studio Rosid. Tiasa langsung ka Jl. Cigadung Raya Tengah Babakan Jami no. 42 Kota Bandung

Sumber: Disbudpar Kota Bandung