Liga 1 Acan Digelar, Ieu Hobi Nick Anu Anyar – Wasunda

Sumber ilustrasi : tribunjabar.id

Roti wrap atanapi urang Indonésia sok nyebatna roti eusi daging, atos teu asing deui. Roti ieu mangrupakeun jenis roti gulung anu asalna ti benua Eropa sareng lumayan kasohor di nagara Walana. Di nagara Walana mah, roti Wrap atanapi roti eusi daging ieu sok disuguhkeun kanggé katuangan anu poko tengah dinten. Sedengkeun upami di Indonésia mah, roti eusi daging ieu sok di suguhkeun kanggé camilan sareng tiasa dituang iraha baé.

Umumna roti eusi daging ieu ngagaduhan bentuk lonyong tapi gepéng, teras ditilepkeun. Ku berkemangna inovasi, ngajadikeun roti wrap ieu aya anu “téksturna” garing sareng “krispi”, tapi aya ogé anu baseuh sareng kandel. Janten palanggan tiasa milih kumaha karesepna séwang-séwangan.

Ditengah kondisi liga 1 anu  masih acan tiasa digelar kusabab covid-19 ieu, ngajadikeun bék Pérsib Bandung Nick Kuipers ngagaduhan hobi anyar dibidang kulinér. Eukeur mah Nick asli ti nagara Walana ditambah deui roti ieu dipikaresep ku masrakat Indonésia, ngajadikeun ieu peluang bisnis anu saé kanggé kapayunna.  

Roti rwap ieu di Kota Kembang teu acan patos seeur anu ngajual, sareng resép na ogé masih saalit anu terang. Sanajan kitu, dulur tiasa dongkap ka Freddy’s Kitchen, Jalan Cipedes Tengah Nomor 138 B, Cipedes, Kacamatan Sukajadi, Kota Bandung. Didinya dulur tiasa nyobian resép asli roti Wrap ala Nick Kuipers. 

Kulinér Jhonny Wrap nyadiakeun mangrupa-rupa ménu roti daging anu halal khas Walanda. sadayana aya 11 varian roti eusi daging anu sadia. 

Nick henteu ujug-ujug bisnis kuliner roti Wrap ieu, tapi anjeuna waktu masih di Walana pernah ngiringan sakola masak sareng jualan di Maastricht, Walana.

Dilansir tina Tribunjabar, Nick ngabéwarakeun, “sabagian ageung bahan-bahan él clsasico beef small (roti wrap) ieu di damel nyalira, kitu ogé lapisan roti sareng saosna.” 

Salianti jago ngagocék bal di lapang, sing horéng pamaén Persib ieu pinter ogé ningali peluang bisnis. Bisnis ieu ngajadikeun investasi anu ngagaduhan peluang majuna anu saé pisan. Ningal kana animo fanatik Bobotoh Persib Bandung, ditambah Nick Kupers salah sahiji Pamaén Persib anu dipikacinta ku Bobotoh, saptu (19/7/2020).

Editor : Muhamad Hasanudin