Sasakala Situ Paténgan, Situ Légéndaris di Ciwidéy

Foto : Redoordz.com

Wasunda – Kacaritakeun aya pasangan kakasih Ki Santang jeung Déwi Rengganis anu silih mikacinta. Saatos lami papisah, maranéhna silih néangan. Ki Santang jeung Déwi Rengganis panggih di hiji tempat. Déwi Rengganis ménta kadeudeuhna sangkan pangnyieunkeun situ reujeung parahu keur ditaékan ku maraneéhna duaan. Situ éta dipikawanoh sabageé Situ Paténgan.

Sasakala éta anu janten asal muasal situ anu éndah di Rancabali, Ciwidéy, kabupaten Bandung. Lokasi papanggihna dua sejoli éta kiwari dipikawanoh ku nami
‘Batu Cinta’. Parahu ki Santang ogé ayeuna dipercanten janten pulau Asmara/Sasaka anu wentukna haté di tengah situ anu dipikawanoh ku nami ‘Situ Paténggang’.

Nami Situ Paténgan nyalira asalna ti kecap ‘patéang-téangan’ anu gaduh makna silih téang. Numutkeun kisah ieu, pasangan anu kantos nganjang ka Batu Cinta tur ngulilingan pulau Asmara diyakini bakal manggihan cinta abadi sapertos Ki Santang jeung Dée-wi Rengganis. Dumasar kisah cinta anu ngalégénda éta, lokasi ieu cocok janten wisata bulan madu pikeun para pasangan ngora anu nembé jatukrami.

Dikulilingan ku perkebunan entéh anu nyegerkeun panon, situ ieu ogé janten salah sahiji alternatif lokasi anu tepat kanggé wisata kulawargi. Salira tiasa nyobian ngulilingan situ ku parahu atawa tiasa nyobian sapédah cai. Ayana kebon strobéri di sapanjang sisi jalan, beuki nambihan daya tarik Situ Paténgan.

Situ Paténgan aya dina kajangkungan 1600 m, aya di kaki gunung Patuha. Kanggé dugi ka lokasi anu jarakna kirang langkung 47 km ti kota Bandung ieu, diperyogikeun waktos tempuh 2 jam. Ngaliwatan pintu Tol Kopo atawa Buah Batu, salira tiasa nyandak arah ka Selatan Bandung. Ngkéna cekap seueur petunjuk jalan ka Ciwidéy atawa Kawah Putih anu bakal mandu salira.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *