Mikawanoh Bulayak, Saté Khas Lombok

Saté Bulayak Khas Lombok (Indonésia.go.id)

Wasunda – Saté Bulayak nyaeta salah sahiji kulinér andelan masarakat Lombok, Nusa Tenggara Barat (NTB). Saténa sarua kawas saté dina umumna. Tapi bumbuna kacida ngeunahna.

Saté bulayak henteu béda teuing ti saté nu séjénna. Bahan dasarna nyaéta daging hayam, daging sapi, jeung jeroan. Dagingna dikeureutan laleutik tuluy ditiiran jadi saté. Anu jadi ciri khas saté ieu nyaéta aya dina bulayak, lontong anu dibeulit ku daun arén atawa enau. Cenah, bulayak hartina muter. Sabab cara mukan nyaéta neken heula tungtung kulitna, tuluy diputer.

Ukuran bulayak leuwih leutik dibandingkeun jeung lontong biasa. Wentukna ngakurucut. Cara meulitkeunna ogeé unik. Daun dibeulitkeun sacara spiral. Pikeun muka kudu ku gerakan muter. Bulayak miboga tékstur anu lembut jeung rasa gurih ti daun enau.

Bumbu kacang anu disuguhkeun dina saté ieu ogé béda jeung bumbu kacang dina saté anu biasa dipanggihan. Bumbu kacangna dijieun tina kacang tanah anu disangrai, ditutu, tuluy digodog reujeung cipati sarta bumbu-bumbu séjénna sapertos bawang bodas, bawang beureum, lada, cipati, muncang, cabé, jeung jeruk nipis. Rasa bumbu kacangna mirip kawas bumbu kari namung leuwih nonjolkeun rasa lada anu mangrupakeun ciri khas masakan ti Lombok.

Pikeun ngaraosan saté ieu cekap ku muka daun anu meulit bulayak tuluy bulayak dianclupkeun kana saos kacang. Rasa gurih ti bulayak jeung lada ti saos kacang ngahasilkeun kombinasi rasa anu sampurna.

Di balik ngeunahna saté bulayak, aya sejarah panjang anu nyutatkeun yén “mimitina saté bulayak dijieun ku masarakat Kecamatan Narmada, Lombok Barat. Saté ieu dijieun nalika odalan (upacara agama umat Hindu) di pura,” tulis Eni Harmayani dkk dina Makanan Tradisional Indonésia Séri 1.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *