Biskuit Kenari, Opieun Primadona di Ternaté

Biskuit Kenari (Indonesiakaya.com)

Wasunda – Ternaté nyaéta wilayah Maluku Utara anu miboga loba pisan keragaman. Lain waé sual budaya, namung dina hal kadaharanna ogé. Salah sahiji opieun anu jadi primadona di Ternaté nyaéta Biskuit Kenari.

Nalika mimiti ngadéngé ngeunaan Biskuit Kenari, anu mimiti kabayang nyaéta biskuit umum anu biasa diical di toko-toko. Namung, biskuit kenari mangrupakeun kadaharan ku bahan dasarna roti tawar anu dibéré irisan kenari di luhurna. Roti tawar anu geus diolésan ku kenari ieu tuluy dipanggang ka jero oven.

Prosés nyieun biskuit kenari ieu katingal sederhana namung cekap sesah pikeun dilakukeun. Prosés anu penting pisan pikeun dilakukeun nyaéta nyieun roti jeung pemangganganna. Biskuit kenari ngalaman dua kali prosés pemanggangan, anu kahiji nalika nyieun bahan dasar roti tawarna. Kadua nyaéta nalika prosés ngagaringkeun roti anu geus dioléskeun kacang kenari. Roti tawar anu jadi bahan dasar nyieun biskuit ieu mangrupakeun buatan home industri anu miboga resép sacara turun temurun. Adonan anu diwentuk ogé geus patén tur rasana teu bisa diturutan ku sasaha.

Biskuit kenari cocok pisan pikeun diopi nalika isuk-isuk boh pasosoré. Biasana osok diréndéngkeun jeung cai entéh haneut atawa sacangkir kopi. Sual rasa mah ulah ditanya deui, geus pasti raos. Teu ahéng lamun biskuit kenari jadi rékoméndasi kanggé opieun sapopoé.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *