CDC: Masker Kaén Henteu Eféktif Nangkal Omicron

Ilustrasi masker kaén (Pexels)

Wasunda – Masker kaén geus henteu éféktif nangkal virus corona varian Omicron, dibanding masker bedah atawa réspirator, ceuk Pusat Pengendalian dan Pencegahan Penyakit Amérika Serikat (CDC).

Saacanna, CDC ngarékoméndasikeun individu bisa milih kanggé maké réspirator N95 sakali paké nalika persediaan kasadia.

Disebat réspirator N95 sabab masker jinis éta bisa nyaring 95 persén ti kabéh partikel di udara lamun dianggéna leres.

CDC ogé nyebatkeun masker bedah biasa nyaéta “alternatif anu bisa ditarima” pikeun dokter jeung perawat nalika interaksi jeung pasién anu kainféksi virus corona.

Mutuhkeun waktos mangbulan-bulan pikeun CDC jeung WHO kangge ngakui yén virus corona bisa dibawa ku tetesan leutik anu disebat aérosol, anu bisa bertahan di jero rohangan salami mangjam-jam.

Numutkeun déskripsi anyar, produk masker ti kaén tenunan logor méré perlindungan saeutik pisan jeung produk tenunan halus berlapis nawarkeun leuwih loba.

Masker bedah sakali paké anu pas jeung KN95, ogé jinis
masker réspirator lianna leuwih protéktif tibatan kabéh masker kaén, jeung réspirator anu pas, kalebet N95, nawarkeun tingket perlindungan anu pangluhurna.

Badan éta ngadesek urang Amérika sangkan maké masker anu paling protéktif. Samentara éta, pengamat COVID-19 dr Ali Alkatiri nyarankeun pamakéan nose sanitizer sabagé tindakan pencegahan kanggé mersihkeun irung tina virus.

Aya sajumlah negara anu geus ngamimitian maké nose sanitizer sapertos Inggris, Koréa, Bahrain, jeung Thailand.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *