Cara Cék Vaksinasi “Booster” di Pedulilindungi

Saurang warga muka aplikasi PeduliLindungi. (ANTARA FOTO/Zabur Karuru/rwa)

Wasunda – Pamaréntah anggeus ngabuka program vaksinasi dosis katilu atawa booster, tikét vaksinasi bisa ditempo dina situs sarta aplikasi Pedulilindungi.

Ngaliwatan situs resmi pedulilindungi.id, masarakat bisa ngabuskeun nomor induk kependudukan (NIK) sarta ngaran lengkep, tuluy ngaklik tombol “periksa”.

Saanggeus éta, lamun kaasup kelompok prioritas, bakal katempo tulisan “Anda berhak vaksinasi ke-3 (booster) Gratis” dina status vaksinasi.

Lamun ngaliwatan aplikasi PeduliLindungi, asup ka platform kasebut maké akun anu anggeus kadaptar. Saanggeus éta, asup kana profil ku cara ngaklik tulisan “Hai, (ngaran lengkep)” dina bagéan luhur.

Informasi pakait vaksinasi booster bisa ditempo dina menu “Status Vaksinasi dan Hasil Tés COVID-19”. Samentara éta, tikét vaksinasi, anu eusina kode QR bisa ditempo dina bagéan “Riwayat dan Tiket Vaksin”, tuluy klik ngaran akun.

Pikeun ngatasi kendala ciga eweuhna aksés internét di lokasi vaksinasi, masarakat bisa nyimpan tikét vaksinasi sabagé gambar. Carana, cukup klik “simpan sebagai gambar” anu aya dina bagéan handap tikét vaksinasi. Tikét vaksinasi bakal kasimpen di galéri foto ponsél.

Vaksin booster dibérékeun dina jarak genep bulan saanggeus vaksin dosis kadua. Keur lokasi vaksinasi, dina situs jeung aplikasi PeduliLindungi, masarakat bisa datang ka fasilitas kaséhatan pangdeukeutna anu nyadiakeun vaksinasi booster.

Vaksinasi booster ayeuna dibérékeun ka kelompok prioritas, nyaéta jalma lanjut usia (lansia) sarta penderiTa immunokompromais.

Juru bicara Kementrian Kaséhatan, Siti Nadia Tarmizi, ka Antara nyebutkeun yén lamun henteu miboga ponsél pikeun ngecék tikét vaksinasi sarta kaasul kelompok prioritas, masarqkaat isa datang langsung ka lokasi vaksinasi booster.

Cara ieu ogé berlaku pikeun warga kelompok prioritas anu acan meunangkeun tikét vaksinasi di PeduliLimdungi. Nalika datamg langsung ka lokasi vaksinasi, mawa JTP jeung Surat bukti vaksinasi dosis kahiji jeung kadua.

Kementrian Kaséhatan ngimeutkeun masarakat pikeun ngagunakeun NIK jeung nomor ponsél anu dipiboga ku sorangan pikeun gadaptar vaksinasi booster eweuh kendala administrasi.

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *