Lembur Tohaga Lodaya, Lembur Kawasan Bébas Covid-19! – Wasunda

Foto: Humas Kota Bandung

Wakil Wali Kota Bandung, Yana Mulyana ngingetkeun warga kanggo tetep waspada dina panularan virus Covid-19. Komo unggal jalmi nu bisa kapapar tanpa gejala. Dumasar ti situs resmi Humas Kota Bandung, Yana Mulyana ngingetan ka masyarakat kanggo waspada ka jalmi nu OTG (Orang Tanpa Gejala) supados nyegah ti paparan virus Covid-19.

“Waspada sapertos OTG (Orang Tanpa Gejala), margi ngarasa séhat tapi kapapar virus,” saurna pas ngaresmikeun Kampung Tangguh Nusantara “Lembur Tohaga Lodaya” di RW 06 Perumahan Bumi Adipura Kelurahan Rancabolang, Kecamatan Gedébagé nu tos dikutip sareng disunting kana basa Sunda tina situs resmi Humas Kota Bandung (20/7/2020).

Wakil wali kota ngingetan supados warga tetep ngajaga kaséhatan. Teu saukur éta, pami nuj aktifitas kedah teras nerapkeun protokol kaséhatan nu tos ditangtoskeun ku Gugus Tugas Nasional. Anjeunna gé nyarios ngeunaan Pola Hidup Bersih dan Séhat.

“Kanggo nyegah ieu dikawitan ti diri nyalira ku ngabiasakeun Pola Hidup Bersih dan Séhat (PHBS),” saurna.

Anjeunna ngaaprésiasi hadirna Lembur Tohaga Lodaya di RW 06 Perumahan Bumi Adipura Kelurahan Rancabolang, Kecamatan Gedébagé. Lembur ieu dipiharep mampu ngabéréskeun pandemi ku babarengan. Anjeunna nyarios yén masyarakat jadi salah sahiji konci kanggo upaya negatkeun panyebaran Covid-19 di Bandung.

“Hatur nuhun tos ngabentuk lembur ieu. Pémkot Bandung teu tiasa ngabéréskeun masalah Covid-19 tanpa dukungan warga. Peran masyarakat ieu kedah teras dikuatkeun kanggo megatkeun panyebaran virus,” saurna.

Hal nu sami ogé diungkapkeun Ketua DPRD Kota Bandung, Tedy Rusmawan. Anjeunna ngucapkeun hatur nuhun dina partisipasi masyarakat sareng Forum Komunikasi Pimpinan Daérah (Forkopimda) dina ngawentuk lembur ieu.

“Dipiharep tiasa éféfktif. Nu penting positif kolaboratif, babarengan nu didasar ku sumanget bisa masih kasaéan,” saur Tedy Rusmawan.

Samentawis éta, Ketua Gugus Tugas Percepatan Penanganan Covid-19 RW 06, Billy negeskeun, warga siap kanggo megatkeun panyebaran Covid-19.

“Alhamdulillah kerja sama sarenga warga kanggo ngabentuk kawasan bébas Covid-19,” saurna.

Kanggo ngajaga supados tetep bébas ti paparan virus, warga satempat ngabentuk tim pikét. Tim ieu mariksa unggal jalmi nu lebet ka RW 06. Mulai ti mariksa suhu awak, ngawajibkeun nganggo masker, dugi ka nyemprot disinféktan.

“Kami bentuk tim pikét unggal dinten. Aya 4 sif eusina 3 jalmi. Gentian unggal 3 jam,” saurna.