Lebaran Haji Bosen Nyaté Nganggo Bumbu Kacang? Ngadamel Saté Maranggi Solusina! – Wasunda

Foto: selerasa.com

Di mangsa lebaran haji ieu pastina unggal daérah di Indonésia ngabudayakeun nyaté sareng kulawarga atau barudak. Unggal imah pasti aya waé kebul-kebul bau daging ngahiliwir ka irung urang. Nyaté geus jadi budaya di mangsa lebaran haji atawa Iduladha ieu.

Biasana saté itu bumbuna téh paké bumbu kacang sareng kécap. Tapi aranjeun terang teu pami di Purwakarta aya saté khas? Leres, saté Maranggi nu raos ieu nyaéta khas Purwakarta! Sobat WaSunda nu bosen sareng bumbu kacang, racikan khas Purwakarta ieu tiasa janten solusi kango anjeun!

Dumasar ti ayopurwakarta.com, Saté Maranggi ieu menurut sajarah gaduh filosofi “Tilu Daging Satusuk” nu ngalambangkeun Tri Tangtu, nyaéta tékad, ucap, sareng tutur tindak dina basa Sunda. Éta sababna unggal tusuk Saté Maranggi aya tilu potongan daging ukuran ageung.

Nah ieu sababaraha kaistiméwaan ogé cara ngadamel saté maranggi nu dipungkas ku tim WaSunda, nyaéta diantawisna:

Nu mimiti nyaéta prosés masak, sateuacan aranjeun ngabeuleum dagin nu rék disaté. Daging kanggo saté Maranggi téh kedah dikeueum heula kana bumbu, prosés ngeueumna tiasa satengah jam dugi ka sajam. Saatos éta, nembé daging dibeuleum, nalika dibeuleum, daging kudu bari dioléskeun ku bumbu. Éta nu jadi sabab bumbu bakar Saté Maranggi tiasa ngaresap pisan ka lebet daging saté.

Nu kadua prosés ngabumbuan Saté. Bumbu Saté Maranggi ieu diantawisna nyaéta nganggo jahé, konéng, katuncar, laja, cuka lahang, sareng kécap amis nu dihalusan. Bawang beureum, bawang bodas, sareng gula beureum ogé bisa ditambahkeun jadi bumbu bakar Maranggi. Nu paling unik nyaéta kembang kecombrang sareng tipung ketan nu ngadamel Saté Maranggi karasa beuki mantap. Aroma daging domba nu kuat gé jadi ngurangan saatos dipasihan bumbu ku bumbu bakar Saté Maranggi ieu.

Salian ti bumbu bakar saté, nu katilu ieu teu jauh leuwih penting, nyaéta acar. Acar nu diantawisna nganggo irisan tomat, céngék, bawang beureum, kécap sarta surawung nu bisa ngadamel rasa saté Maranggi ieu seger sanaos tanpa tambihan bumbu kacang nu biasa urang pendakan pami aya nu nyaté.

Pami anjeun sangek atawa horéam kanggo ngadamel bumbuna, anjeun tiasa ngagaleuh bumbuna di market place kesayangan anjeun. Aya di Shopee, Bukalapak, Instagram, jeung sajabana.