Lamun Kuring Boga Mobil – Wasunda

Foto: Blog/ Caramaster

Hiji poé kuring futsal di jalan lentéra. Lumayan lah rada jauh ti kampus. Ai indit mah milu nébéng ka si Bayu adi kuring di jurusan. Ai geus bérés futsal, si Bayu kalahkah ninggalkeun kuring da pédah kuring modol heula saacan balik.

                Bérés modol, kuring bingung. Rék balik jeung saha. Si Danu da jeung kabogohna si Ina. Tapi da kuring téh panasaran wéh nanya ka si Danu.

“Dan, urang milu balik lah.”

“Heueuh Hayu.”

“Har? Manéh ngajajapkeun urang ka kampus tuluy kadieu deui ngajemput si Ina?”

“Heunteu, hayu kana mobil.”

“Éh ai manéh sugan téh kana motor. Nya geus hayu atuh.” Gék kuring diuk di tukang dina mobil alpard manéhna. Si Ina diuk dihareup jeung si Danu. Ai kuring langsung mikir na jero haté. “Si Danu beunghar ogé, tapi nempo si Ina-na mah teu pati geulis. Oh, bener. Gusti mah maha adil. Kabayang lamun kuring nu boga mobil. Pasti saban bulan mawa awéwé nu béda tur gareulis.”