Lagu Hareudang, Hasil Ngadagoan 8 Taun! – Wasunda

Foto : anggota group band Pasukan Perang

Pasukan Perang nu kasohor ku lagu Nestapa atawa Hareudang ieu téh nyimpen carita nu cukup unik. Di tahun 2013, dibentuk hiji grup musik dangdut nu ngaranna Partai Dangdut Anak Muda (PDAM) atau ayeuna nu dikenal ku ngaran Pasukan Perang. PDAM diciptakeun ku Ékék (vokalis) sareng Raditajul (gitar). Naha tahun 2013 kabentuk ieu grup musik, tapi lagu Nestapa nembé viralna ayeuna? Jawabanna aya di Kang Radi Tajul, nyaéta salah sahiji gitaris Pasukan Perang nu ditepangan langsung di salah sahiji Coffee Shop di Jatinangor.

“Naha telat? Nyaéta kaseriusan barudak téh ngan saukur nepi manggung hungkul, teu ngarilis lagu,” saur Radi Tajul pas diwawancara di salah sahiji Coffee Shop di Jatinangor.

 “Nepi nyiptakeun lagu nestapa 2014 akhir, si Ékék (vokalis Pasukan Perang) nu nyieunna téh, soalna si éta otakna nu nyieun materi lagu Pasukan Perang téh, nya balik deui ka kaseriusan si para personél, jadi lagu téh teu dirilis-rilis” lajengna

Sanggeus sababaraha tahun teu rilis-rilis, akhirna di tahun 2019 awal téh Pasukan Perang rilis si lagu ieu di Youtube. Ku rekaman nu saaya-aya sareng visual nu saaya-aya.

“Tahun 2019 awal akhirna Nestapa dirilis saaya-aya, nu penting asal sound-na balance wéh,” saur Radi Tajul

Radi ngajelaskeun kumaha carita awal naha lagu Nestapa atawa nu leuwih kasohor lagu Hareudang ieu téh bisa jadi viral. Nyaéta ku salah sahiji idé Radi Tajul nu hoyong ngajak piknik manggung di sababara hiji kota di Jawa Barat.

“Tah, jadi awalna naha si Nestapa bisa viral téh nyaéta urang aya kereteg, akhir tahun 2019 hayang ngajak piknik Pasukan Perang ka sababaraha hiji kota diantarana ka Soekarno Hatta Bandung, Tanjungsari, terus ka Cicaléngka. Pas di Cicaléngka arurang maén di hiji Café, sabérés maén didinya, loba nu nga-instastory  si lagu Hareudang ieu téh, jeung si Owner Café ieu téh upload video hareudang ka Youtube. Tidinya lah mulai ramé si lagu hareudang téh,”

Pasukan Perang ayeuna anggotana aya 8 urang. Diantawisna aya Hendri Ékék (vokal), Radi (violin), Dani (bangsing), Radi Tajul (ritem gitar), Deni (bass), Aji (kendang), Zulfikar (perkusi), sareng Ridwan Fatham (gitar).

Editor : Iman Setiawan