Kusabab Sukses Ngabèla Persib Makan Konate Bisa Maèn Di Indonesia – Wasunda

Foto: Bola.com

Persib Bandung jadi tim katilu di Indoneisa nu dibèla Makan Konate. Gabung jeung Persib Bandung, gelandang ti Mali ieu bisa ngarasakeun gelar LSI 2014 jeung Piala Presiden 2015.

Dumasar jabar.tribunnews.com (14/7/2020) ayeuna anjeuna di Persebaya Surabaya. Sateacan ka Indonesia anjeuna kantos ngagabung sareng klub ti Mali, Stade Mallien, dina taun 2008-2010. Pas yuswana 19 taun, Konate ditawisan kangge ngagabung ogè di Libya, klub Al Akhdar SC di taun 2011. Nanging teu kantos lami  mung maen 11 kali kusabab harita di Libya keur aya perang, nu pada akhirna Konate milih kaluar. Konate junun latihan nu ngajadikeun anjeuna pendak sareng agen nu nyandak anjeuna ka Indonesia, wastana Mamodou. 

Konate kedah ngantosan dugi ka sataun sangkan anjeuna tiasa ngalanjutkeun karir na dina dunia maèn bal.

“Agen abi nyarios yèn anjeuna tiasa mang milariankeun klub di Indoensia. Pas ngadangu nami Indonesia, abdi naros ka agen, Indonesia tèh daèrah mana,” Sanngem Konate.

Sapertos nudikutip tina jabar.tribunnews.com (14/7/2020) Konate ngamimitian karirna dina dunia maèn bal ngawitan ti taun 2012. Anjeuna gabung sareng PSPS Pekanbaru salami satengah musim, teras ngalih ka Barito Putera sabab aya masalah tinu hal finansial.  Total na aya 2 gol nu dipidamel ku Konate ti 30 pertandingan nu di paènkeun pas ngabèla PSPS Pekanbaru  jeung Barito Putera.

Saatos kitu anjeuna diangkut ku Persib Bandung. Sareng Persib, anjeuna janten sukses jadi pamaèn bola. Teras, anjeuna berkair di Malaysia, namung kenging cedèra nu parah nu nyababkeun anjeuna kedah absen samusim. Taun 2018, anjeuna gabung sareng Sriwijaya FC salami satengah musim, teras ngalih deui ka Arema FC di tengah musim kadua Liga 1 2018. Hiji satengah musim di Singo Edan, Makan Konate mutuskeun pindah ka Persebaya Surabaya taun 2020.

Pajoangan Makan Konate sareng Persebaya Surabaya kapaksa kedah ditunda heula saba pandemi COVID-19. Najan kitu, Konate tetep bakal jadi bagèan ti Persebaya Surabaya sabab kompetisi Liga 1 2020 bakal dilanjutkeun deui 1 Oktober payun. Makan Konate nyebatkeun yèn anjeuna betah di Indonesia sabab masarakat sareng menejemèna na balageur luar biasa. Rebo, (15/7/2020).

#Makan Konate #Persib #Persebaya Surabaya #Pajoangan Karir Konate #Liga 1 2020