Kompetisi Di Masa Pandemi, Ieu Saur Robert – Wasunda

Foto: situs resmi Persib Bandung/ Gregorius A.K

Pandemi Covid-19 nu tos kasebar di dunya ieu masihan dampak di sadaya bidang, kaasup bola. Sadaya kompetisi di dunia dieureunkeun margi aya lockdown téa. Saatos lockdown, ayeuna sababaraha kompetisi gelaran liga di sababaraha nagara tos dikawitan deui, da tos néw normal téa.

Liga Indonesia dikawitan deui sasih Oktober 2020. Sateuacanna, dumasar ti situs resmi Persib Bandung, Roberts Rene Albert salaku pelatih Persib gaduh hiji pandangan ngeunaan gelaran kompetisi di Indonesia. Robert nganilai situasi liga di Indonesia bakal béda dibandingkeun nagara nu sanés.

“Tangtu hal nu paling penting kanggo diperhatoskeun. Sapertos nu atos abdi carioskeun di pertemuan, seueur liga di dunia aranjeunna ngawitan deui (kompetisi) kanggo rebutan juara. Indonesia, tos dipikaterang ku arurang liga Indonesia nembé dikawitan nu akhirna dieurerunkeun samentawis. Jadi tangtosna aya bédana ti motivasi sareng cara kanggo ngawangun timna,” saur Robert.

“Tentu hal yang sangat penting untuk diperhatikan. Seperti yang sudah saya katakan dalam pertemuan, banyak liga di dunia mereka memulai lagi (kompetisi) untuk menuju perebutan juara. Indonesia, seperti kita ketahui baru saja memulai kompetisi sebelum liga dihentikan sementara. Jadi tentunya ada perbedaan motivasi dan cara untuk membangun timnya (kembali),” ujar Robert.

Pami ninggal kompetisi di nagara nu sanés mah da tos sadayana ampir réngsé. Sapertos Liverpool sareng Bayern Munich nu tos mastikeun juara di nagarana masing-masing, Liga Itali nu masih rebutan tahta juara, jeung sajabana.

“Contohna di Liga Inggris, Liverpool, Bayern Munich di Liga Jerman jeung sajabana, aranjeunna ngawitan kompetisi saatos dieureunkeun kanggo langsung natap gelar juara saacan gelaran bérés. Ku kituna béda situasi sareng Indonesia,” lajengna. Liga Indonesia nembe ngamaénkeun 3 pertandingan, jadi masih panjang perjalanan Persib kanggo ngajalankeun gelaran Shopee Liga 1 Indonesia 2020 ieu.