Klarifikasi Putra Siregar? – Wasunda

Foto: Putra Siregar Jadi Bintang Tamu Close The Door Corbuzier Podcast (Akun Youtube Deddy Corbuzier)

23 Juli 2020, Putra Siregar nu kasohor ku PS Store ieu ngajalanan sidang perkarana ngeunaan kasus dina dugaan pelanggaran Pasal 103 hurud d Undang-Undang  Nomor 17 Tahun 2006 ngeunaan Kapabéan. Sanajan ieu kasus téh tos diperkarakeun ti taun 2017, kasus ieu ramé deui di ampir unggal média. Teu sakedik ogé nu ngaduga yén PS Store ieu ngical barang BM (Black Market) ogé aya nu ngaduga HDC (Handphone Copy Draw).

Di sisi nu sanés, akhirna Putra Siregar buka suara kanggo klarifikasi liwat ondangan anjeunna janten narasumber di Close The Door Podcast Corbuzier di akun YouTube-na Deddy Corbuzier.

Nalika anjeunna ditaros naha PS Store wani ngical hargi murah, sapertos ngical Iphone nu awalna 20 juta jadi sajuta, anjeunna langsung ngajelaskeun yén info éta téh teu leres.

 “Pami aya nu ngical Iphone harga asli 20 juta jadi mung sajuta éta émang nipu, aya sababaraha akun nu ngatas-namakeun PS Store di Instagram dugi ka ratusan. Ngical Iphone nu harga aslina 20 juta jadi sajuta.  Tapi di PS Store nu leres mah mung bénten 500 rébu tina harga aslina,” saur Putra Siregar nalika di acara Close The The Door Podcast Corbuzier (1/8/2020).

Déddy gé sempet curiga pas ngawitan ayana PS Store, naha ieu téh hp na HDC (Handphone Copy Draw) atawa kumaha? Soalna ieu HP bener-bener murah diantawis toko nu sanés.

“Saumur-umur abdi can pernah ngical HDC om, saya ngawitan ti ngical hp second, teras 2017 nembé ngarambah hp original full garansi resmi dugi ka ayeuna,” saur Putra.

Usut gaduh usut, ternyata kasus Kapabéan ieu téh tos aya ti taun 2017. Putra ngaku yén anjeunna pernah ditéwak ku Béa Cukai ngeunaan kasus kapabéan.

“Kapungkur taun 2017 pernah ditangkap margi teu acan bayar béa cukai, abdi kooperatif, ngadukung pamaréntah supados teu aya penyelundupan, akhirna kuring mayar, teras abdi dugi ka ayeuna nitipkeun 500 juta kanggo jagi-jagi supados pami aya karugian nagara, tos aya artos abdi. Malahan mah bumi abdi asét abdi gé dititipkeun,” saurna.

Anjeunna gé curhat kedahna nalika diondang Déddy téh dina kaayaan anjeunna berpréstasi.

 “Abdi téh kedahna mah datang kadieu (Podcast Deddy Corbuzier) téh berpréstasi, nu kapungkurna pengamén, tiasa nyitak ratusan entrepreuneur,”

Nalika ditaros pasualan naha ieu HP téh HDC, BM, atanapi asli. Anjeunna langsung ngawaler.

“Asli Om, abdi gaduh bukti datana, badé ningal om?,”

Anjeunna nunjukkeun Penghargaan salaku Top Elite Club ti Oppo nu tiasa ngical hp Oppo rébuan dina waktos sabulan. Ogé data nu sanés, dugi ka dilebetkeun kana map nu kandel.

Vidéo ieu terakhir ditinggal kaping 31 Juli 2020 tabuh 21:53 aya di trending #4 Youtube Indonésia. Seueur pisan nu pro ka Putra Sirégar, teu sakedik ogé nu kontra ka pernyataanna nu seueur malahan muji diri nyalira Putra di koméntar Youtube Deddy Corbuzier. Kumaha koméntar anjeun? Mangga ditonton heula ku anjeun.