Kasiapan Masarakat Dina Nyambut HUT ka-75 Kamerdékaan Indonésia. – Wasunda

Foto: ANTARA FOTO/Sigid Kurniawan

Teu karasa sakedap deui Indonésia bakal ngarayakeun Hari Ulang Tahun (HUT) ka-75 Kamerdékaan Indonésia. Pami di taun-taun sateuacanna masarakat biasa nyakséni upacara bendéra di buruan Istana Merdéka, ayeuna mah aya nu béda.

Dumasar infopublik.id, upacara HUT ka-75 kamerdékaan ieu téh rencanana bakal dilaksanakeun sacara terbatas sareng sederhana dina rangka nerapkeun protokol kaséshatan, émut dugi ka ayeuna Covid-19 téh tacan réngsé kénéh waé.

Sanaos digelar sacara terbatas ogé sederhana sasuai protokol kaséhatan, Pamaréntah mastikeun paringatan HUT ka-75 Kamerdékaan ieu bakal angger meriah. Antusiasme masarakat gé angger ageung ku kréatifitasna sarta inovasi nu angger kajaga.

Kameriahan ieu diantawisna ti kaping 1 Agustus 2020, Sekretariat Negara ngadugikeun ka sadaya instansi pamaréntah pusat sareng daérah kanggo masang bendéra salila sabulan. Teras ogé bakal aya acara puncak nu bakal ditayangkeun serentak di unggal stasion tv, teras ogé bakal aya lomba digital nu ngangkat téma “Lingkungan Indah dan Bersih”

Pihak nu bakal hadir dina upacara HUT ka-75 Kamerdékaan RI di Istana Merdéka nyaéta mung Présidén sareng istri. Wakil Présidén sareng istri, pejabat nu tugas, Panglima TNI, sareng Kapolri.

Salian konsép acarana nu berubah, dina paringatan HUT Kamerdékaan RI taun ieu gé aya hal nu anyar. Pamaréntah bakal ngenalkeun hiji tradisi anyar di mana nalika lagu kebangsaan Indonésia Raya dikumandangkeun pas lumangsungna upacara, masarakat dipiharep ngereunkeun sakedap sagala kagiatanna sareng ngadeg sabari ngiring lantunan lagu kabangsaan.

“Eureunkeun sadaya kagiatan sareng aktifitas aranjeun salila tilu menit hungkul di kaping 17 Agustus 2020 tabuh 10:17 WIB. Candak sikap sampurna, ngadeg tegak, kanggo hormat kana paringatan detik-detik proklamasi,” saur Mentri Sekretaris Negara Pratikno dina vidio nu ditayangkeun kaping salasa kaping 28 Jul 2020.

Sabagéan warga gé tos masang Bendéra Mérah Putih di payuneun bumina sasuai sareng himbauan Sekretaris Negara. Sabagéan sanésna malah tos ngalakukeun kasiapan, ti ngawitan masang spanduk dugi ka nge-cat pager sareng gapura. Ogé pangendara mobil sareng motor masang aksésoris nuansa mérah putih di kandaranna. Tangtosna sadaya ieu dilakukeun ku angger merhatoskeun protokol kaséhatan.