Karéta Priority Argo Parahyangan Siap Operasi Deui Dinten Ieu – Wasunda

Foto: jabarprob.go.id

PT Keréta Api Pariwisata (Kawisata) bakal ngaoperasikeun deui Karéta Priority Argo Parahyangan nu salila ieu teu berjalan kusabab ngawabahna virus Covid-19.

Dumasar ti situs jabarprov.go.id, Totok Suryono salaku Diréktur Utama PT Kawisata bakal siap nyambut para palanggan Karéta Priority nu siap dioperasikeun deui dinten ayeuna kaping 2 Agustus 2020.

“Kami siap nyambut para pelanggan satia kami dina angger masihan palayanan nu terbaik, sarta aman sareng nyaman di mangsa Adaptasi Kebiasaan Baru (AKB/Adaptasi Kabiasaan Anyar). Kami ogé ngalakukeun sababaraha panyasuaian palayanan dina karéta sasuai sareng protokol nu dianjurkeun ku pamaréntah,” saur Totok Suryono, dikutip ti situs resmi jabarprov.go.id (2/8/2020).

Kanggo panumpang KA nu badé ngalakukeun perjalanan wajib nganggo protokol AKB diantawisna Masker, teras patugas Karéta Priority Argo gé nyadiakeun face shield kanggo panumpang. Salian ti éta, panumpang dipasih terang kanggo ngajaga jarak nalika aya di KA, wawasuh panangan, ogé ngurangan kagiatan ngobrol nalika aya di lebet KA.

Ku kituna ieu jadwal perkajalanan Karéta Priority Argo Parahyangan:

a. KA 47A Mangkat ti Bandung Tabuh: 18:20 WIB, Dugi di Gambir Tabuh: 21:15 dina tanggal perjalanan: 2,9,17,23, sareng 30 Agustus 2020.

b. KA 37A Mangkat ti Bandung Tabuh: 05:25 WIB, Dugi di Gambir Tabuh: 08:20 WIB dina tanggal perjalanan: 3-31 Agustus 2020.

  • Gambir-Bandung:
  • KA46A Mangkat ti Gambir Tabuh: 18:10 WIB, Dugi di Bandung Tabuh: 21:15 WIB dina tanggal perjalanan: 3,7,14,21,28
  • KA 48A Mangkat ti Gambir Tabuh: 18:45, Dugi di Bandung Tabuh: 21:43 WIB dina tanggal perjalanan: 3-31 Agustus 2020

Kanggo pamesenan tikét sareng cék kasiadiaan tempat calik di unggal perjalananna tiasa liwat aplikasi KAI Access.

Ilud Sirégar salaku Humas PT KA Pariwisata ngajak para pelanggan satia Karéta Priority nu gaduh rencana iinditan ka Bandung di akhir minggon ieu, tos tiasa mesen tikétna liwat aplikasi KAI Acces ku harga tikét Rp. 300.000,- unggal panumpang.

Palanggan gé teu kedah hawatos sesah milari layana Rapid Tést margi ayeuna KAI kerjasama sareng Rajawali Nusindo nu nyadiakeun layanan Rapid Tést Covid-19 saharga Rp. 18 rébu di sababaraha stasion.