Kantor KUA “Diserbu” Calon Pangantèn – Wasunda

Sumber ilustrasi: seruji.co.id

Saprak korona ngawabah di Indonesia singhoréng lain ekonomi masarakat anu ka ganggu, tapi hajatan jeung kawinan ogé ngilu kaganggu. Calon pangantén anu boga rencana nikah bulan maret nepi ka juni kapaksa kudu sabar heula lantaran virus korona masih bisa waé nyebar lamun aya jalma loba kumpul. 

Disababaraha tempat anu kaasup zona héjo atawa konéng, pihak KUA geus siap “pasang badan” lamun seug loba calon pangantén daratang ngadalaftar rék nikah. Salah sahiji daérah anu geus ramé kucalon pangantén nyaéta Kabupatén Bogor. 

Dilansir ti ayobandung.com, Saatos aya izin resépsi salah sahiji calon panganté namina Adé Yasin sumanget ngadaftarkeun diri ka KUA lantara anjeuna rék nikah bulan Agustus 2020. 

Pupuhu KUA Kacamatan Kalapanunggal, Iwan Setiawan nyebatkeun yén aya paningkatan jumlah calon pangantén kanggo sasih Agustus. Tapi anjeuna ngemutan aya protokol kaséhatan aku tetep kedah diperhatoskeun ku sadaya calon pangantén.

“ayeuna atos diizinan kanggo ngalaksanakeun akad nikah sareng résépsi, tapi tetep aya syarat sareng aturan anu kedah diperhatoskeun. Misalna, jaga jarak, nganggo masker, sareng kapasitas tamu undangan saukur 30 persén. Di sasih agustus ieu aya paningkatan 200 persén calon pangantén anu dongkap ka kantor.” Saur Iwan, salasa (21/7).

Salianti éta, Iwan ogé masihan terang yén aya syarat khusus kanggé sadaya calon pangantén, nyaéta surat bukti séhat sareng imunisasi ti puskésmas satempat. 

Waleran anu sami ogé ti pupuhu KUA Gunung Putri, Soléh Badruzaman anu nyebatkeun aya paningkatan ogé di wilayahna kana 20 persén kanggo sasih agustus. 

Benten sareng pihak KUA Kalapanunggal, pupuhu Gunung Putri nyebatkeun teu aya surat khusus kaséhatan sapertos di kalapanunggal anu kedah dilampirkeun pas daftar.

“leres, dikacamatan Gunung Putri atos tiasa akad dibumi. Résépsi ogé atos tiasa. Tapi upami kanggé merhatoskeun protokol kaséhatan mah tangtos janten kawajiban anu penting sareng utama.

Lian ti éta, pasangan calon pangantén ogé dikedahkeun supados nganggé sarung panangan, masker, hand sanitizer pas aranjeuna nikah. 

Kaséhatan penting pisan, kanggé dijagi. Atos jadi tangungjawab sadayana termasuk pihak KUA anu réréongan ngarojong sangkan wabah ieu henteu beuki loba.

Editor : Muhamad Hasanudin