Kadurukan Di Imah Panggung Kecamatan Pasirwangi Garut nu Nyababkeun Karugian Dugi ka 35 Juta – Wasunda

Foto: dok.Damkar Pemkab Garut

Jawa Barat ayeuna tos lebet ka pergantian musim ti usum hujan ka usum halodo. Ku kituna, lain saukur panyakit hungkul sapertos demam, flu, batuk, jeung sajabana nu dirasakeun ku masyarakat téh. Tapi ogé bencana-bencana alit nu kedah tiasa dicegah. Sapertos kadurukan nu aya di Kabupatén Garut, Jawa Barat, dinten Salasa kaping 28 Juli 2020 wengi kamari.

Dumasar ti situs resmi Pemerintah Kabupatén Garut. Dua unit pamadam kebakaran diturunkeun, nu pasna kajadian kadurukan ieu téh ayana di Kampung Pasirwangi, RT 03 RW 10 Désa Pasirwangi, Kecamatan Pasirwangi, Kabupatén Garut tabuh 23:15 WIB wengi kamari.

Dina respon time 13 menit ieu, dua regu nu diturunkeun langsung ka lokasi kajadian. Ogé dibantos ku masyarakat satempat, Polsék Pasir wangi sareng Babinsa, seuneu berhasil dipareuman dina tabuh 00:28 WIB.

Aah Anwar salaku Kepala Dinas Pemadam Kebakaran nyarioe yén kadurukan nu nimpah imah panggung milik Dadan (49) dina ukuran imah 5×10 m2, nu diakibatkeun ti arus péndék listrik. Sanaos teu aya korban, namun diperkirakeun karugian tina kadurukan ieu téh dugi ka Rp. 35 juta.

Ku kituna, Aah ngahimbau ka masyarakat supados teras waspada dina waspada kadurukan  ieu, pami ninggalkeun bumi kedah inget mareuman seuneu kompor, obat nyamuk sareng listrik, margi dumasar ti hasil panyalidikan jajaranna, koslét atawa arus péndék listrik aya di angka 60 dugi ka 70 persén nu jadi bab kajadianna musibah kadurukan imah sareng gedung di Kabupatén Garut.

“Sésana diakibatkeun margi ku hilap sapertos tabung gas nu ngabeledug atawa obat nyamuk nu kaduruk. Tapi teu nutup kamungkinan ieu kajadian margi ayana indikasi sambungan kabel listrik nu ngahaja dipasang ku pamilikna sacara teu tepat atawa ilégal. Tujuanna kanggo nyukupan kabutuhan, sanaos daya listrik saleresna teu memadai,” saur Aah Anwar, dikutip sareng disunting kana basa Sunda ti situs resmi Pemerintah Kabupatén Garut (29/7/2020).

Ku kituna, kahadé kanggo sadaya masyarakat nu aya di Jawa Barat khususna Kabupatén Garut kedah hati-hati ogé waspada supados kajadian ieu teu kajadian deui.