Jumlah WNI di Luar Negeri Nu Kapapar Positif Covid-19 Dugi Ka 1.207 jalmi – Wasunda

Foto : Kementrian Luar Negeri

Kementrian Luar Negeri (Kemlu) ngadugikeun yén jumlah Warga Negara Indonésia (WNI), nu kainféksi Covid-19 di luar negeri ayeuna tos dugi ka 1.207 jalmi.

Dumasar ti warta Info Publik Indonésia. Akun twitter resmi Kemlu RI (@Kemlu_RI) ngajelaskeun yén aya tambahan kasus anyar WNI nu positif Cvoid-19 di luar negeri. Diantawisna aya di Malaysia, Arab Saudi, sareng Koréa Selatan. Samentawis hiji pasién jagjag dipendakan di Qatar, sareng hiji pasén tos pupus di Arab Saudi. Nu jadina total kasus dugi ka ayeuna aya 804 pasién di luar negeri nu tos jagjag ti paparan virus Covid-19

“Tambahan WNO kakonfirmasi #Covid19 di Arab Saudi, Koréa Selatan sareng Malaysia, jagjag di Qatar, aya nu pupus di Arab Saudi. Total WNI nu kakonfirmasi Covid-19 di Luar Negeri nyaéta 1207:804 cageus, 97 pupus sareng 306 masih dirawat,” tulis Kemlu liwat akun Twitter @Kemlu_RI nu dikutip sareng disunting kana basa Sunda ti situs resmi Info Publik Indonésia (23/7/2020).

Ti Jumlah kasus nu kasebar ti 47 negara atawa territorial éta, kasus WNI nu positif Covid-19 dinyatakeun réngsé atanapi tos kasus teu aktif aya di 18 negara. Nyaéta Bahrain, Bélgia, Brunei Darussalam, Ékuador, Éthiopia, FInlandia, India, Inggris, Irlandia, Italia, Jepang, Makédonia Utara, Makau, Rusia, Spanyol, Taiwan, Thailand, sareng Vatikan.

Sateuacanna, Diréktur Pelindungan Warga Negara Indonésia sareng Badan Hukum Indonésia Kementerian Luar Negeri (Kemlu), Judha Nugraha nyarios yén panyebaran Covid-19 di Arab Saudi ieu tiasa kasebat masif.

Akibatna, kasus positif nu anyar sareng pupusna tina akibat virus Covid-19 ti Warga Negara Indonésia (WNI) di Arab Saud nu kacatet janten kasus positif pangageungna dibandingkeun sareng 45 negara domisili WNI nu sanésna.

Dumasar ti World Health Organization (WHO/ Organisasi Keséhatan Dunia), saur Judha aya 240.474 kasus positif Covid-19 di Arab Saudi di 2.325 kasus nu pupus. Kemlu ogé nyatet aya 185 WNI nu kapapar wabah ieu ogé diantawisna aya 82 jalmi nu nuju dirawat, 52 nu tos jagjag, ogé aya 51 WNI nu tos pupus.