Jumlah Pasén Covid-19 SECAPA AD Ngurangan! – Wasunda

Sumber ilustrasi : ayobandung.com

Wabah virus korona ngawabah kasagala tempat, salah sahijina Sakola Calon Perwira Angkatan Darat atanapi osok disebat Secapa AD, Bandung, Jawa Barat. Hal ieu ngahartoskeun yén jalmi anu latihan sakuat TNI ogé tiasa kakeunaan ku wabah korona, janten masarakat tetep kedah ati-ati.

Tapi aya informasi anu saé, réhna pasén covid-19 di klaster sakola calon perwira angkatan darat atanapi secapa AD ieu ngurangan deui. Informasi ieu sami sareng hasil tés swab anu kadua, aya opat urang pasén anu nunjukeun hasil negatif covid-19.

“leres, hasil lab, PCR anu dicandak tina hasil swab anu kadua ieu, pasén di Secapa AD dugi dinten ieu aya opat pasén anu négatif.” Kitu saur pupuhu Dinas Penerangan AD, Brigjén TNI Néfra Firdaus, salasa (21/7).

Ku hasil éta ngajantenkeun total pasén anu positif korona di klaster Secapa SD ngurangan deui. Tina total 1.308 pasén anu positif, ayeuna janten ngirangan janten 836 pasén. Pasén anu dinten ayeuna kalebetkeun negatif korona nyusul 468 jalmi anu tos dinyatakeun négatif sateu acanna.

“tina jumlah total 1.308 pasén anu positif covid-19 di Secapa AD dina dinten ieu atos ngirangan 472 jalmi, kalebet anu opat jalmi ieu. Janten jumlah sisa kantun 836 jalmi deui.” Brigjén TNI Néfra Firdaus ambihan.

Sateuacanna, pupuhu staf angkatan darat atnapi KSAD Jendral Andika Perkasa, ngabéwarakeun sok sanajan klaster anu anyar positiv covid-19 di Secapa AD, kagiatan pendidikan tetep jalan sapertos anu tos aya dina kurikulum. Pendidikan ieu sajalan sareng prosés karantina kanggé para personél anu positif covid-19.

“janten dina kagiatan sadidinten mah tetep sapertos dina jadwal séwang-séwangan, kami isolasi tapi sanés di barak waé, diluar barak sareng saupami waktos istirahat sadayana ku kami di diperhatoskeun.”saur Jendral Andika di Markas III/Siliwangi, Kota Bandung.

Protokol kaséhatan di lingkungan sakola ogé diperketat. Dina wengi, para patugas pendidik bakal tetep merhatikeun sareng mastikeun yén para siswa atos kulem dina waktuna supaya tiasa ngajagi stamina tetep optimal, sanajan kakeunaan covid-19

Editor : Muhamad Hasanudin