Jidar Nu Dipikanyaah – Wasunda

sumber foto: id.wikihow.com

“Kahirupan teu saukur nafas, simkuring nu sakieu ayana, teu tiasa walakaya, iwal ti usaha, ngabarengan du’a ka maha kuasa. Hiji jidar nu ku simkuring pilah, di toko buku sabelah, potong dina kagunaanna. Jidar nu sabenerna taya salah, nu ngagaduhan lobi-lobi mangfaat, tega diakhiran gunana, kantos teu tiasa dicandak mangfaatna, dina ngagambar rupa, bangunan-bangunan cakrawala, nu janteun cita cita, redup taya guna, sabab jidar nudipkahareup, dipotongkeun taya tega, ku panangan-panangan jahil taya tatakrama…” manawi eta penggalan syair nu ku simkuring tulis dina hiji buku harian simkuring, pami bade dijabarkeun eta penggalan syair, panjangna tiasa ngaleuwihan novel hehee.

Kunaon simkuring ngadamel eta syair dina buku harian, sangkan simkuring tiasa nuangkeun sadaya amarah simkuring, sadaya emosi kuring, kana wangun tulisan supados taya nu kedah narima karugian deui dina sadaya emosi kuring. Sapada  jalmi aya nu teu tiasa ngontrol emosi, sagala nu di sakitarna, dijanteunkeun pelampiasan nu taya gunana. Jidar nu sabenerna taya salah, dipotongkeun ku jalmi eta, sabab simkuring nu teu tiasa ngalakonan kahoyongna dina ngagambar rupa bangunan-bangunan cakrawala, nu ditugaskeun ku guru kuring produktif SMK. Eta jidar nu hiji-hijina dipikagaduh, hiji-hijina harepan nu aya didinya, pudar sakantos ningal palebah eta jidar dipotongkeun sakitu hebatna, teu mikiran sebab akibatna eta jalmi mateuhkeun jidar nu teu aya salahna.

Sataacan na eta jidar potong dipeser ku simkuring di hiji toko sabeulah, aya Saminggu simkuring kukumpul artos, nabung nepika padaharan kembung, tara jajan iwal ti nuang cai herang, dina botol menang mawa ti roeompok. Dugi akhirna simkuring tiasa meser eta jidar, nu janten dipikaharep ku simkuring dina ngejar cita-cita. Kiwari eta jidar potong, ngajanteunkeun simkuring nalangsa taya daya, mateuhkeun oge iyeu manah dina ningalna eta jidar dipotongkeunnana. Simkuring mung tiasa cicing taya ucap ningal nalika eta jidar kantos taya guna.

Uih ti sakola, simkuring mung tiasa ngadu’a ka maha kuasa, pikeun mugia henteu ngajanteunkeun iyeu emosi ngaluap kamana-mana, iwal ti simkuring nyalira nu ngaraosanana, serta ngajanteunkeun supados eta jalma dipasihan hidayah wal inayah ku Gusti nu Maha Agung, nepikeun teu ngalakukeun kalakuan nu tadi manehna lakukeun ka simkuring, mugia oge Allah masihan gantina dina iyeu cobian nu dipasihan.Janteun simkuring tiasa neraskeun usaha nu kantos seep hareupan di tengah jalan kahirupan nu teu saukur nafas, ngajalankeun kawajiban nungtut elmu, kanggo  ngudag cita-cita. Amiin.