Jawa Barat Ngaraosan Déflasi Saageung 0,07 Persén di Sasih Juli – Wasunda

Foto: jabarprov.go.id

Badan Pusat Statistik (BPS) Jawa Barat nyebatkeun yén dina sasih Juli 2020 Indéks Harga Konsumén (IHK) Gabungan Jawa Barat, nu diantawisna 7 kota nyaéta Kota Bogor, Kota Sukabumi, Kota Bandung, Kota Bekasi, Kota Dépok sareng Kota Tasikmalaya ngalaman panurunan indéks. IHK ti 105,98 di Juni 2020 jadi 10,91 di Juli 2020.

Dumasar ti situs resmi Pemerintah Provinsi Jawa Barat (jabarprov.go.id), Dyah Anugrah Kuswardani salaku Pupuhu BPJS Jawa Barat nyarios yén Jawa Barat ngalaman déflasi ti sasih sateuacanna.

“Ku kituna aya déflasi saageung 0,07 persén ti sasuh Juli kamari,” saur Dyah, dikutip sareng disunting kana basa Sunda ti situs resmi jabarprov.go.id (4/8/2020).

Disebatkeun, laju inflasi taun kalénder “year to date” (Januari dugi ka Juli 2020) saseueur 1,38 persén sareng laju inflasi ti taun ka taun “year on year” (Juli 2020 ka Juli 2019) kacutat saageung 2,21 persén.

Ti sawelas kelompok pengeluaran nu ngaraosan inflasi ieu téh nyaéta kelompok Pakéan & Alas aki nu saageung 0,03 persén, Kelompok Kalengkapan, Pakakas & Pamiaraan Rutin Rumah Tangga nu saageung 0,05 persén, Kelompok Kaséhatan saageung 0,06 persén, Kelompok Transportasi saageung 0,34 persén, Kelompol Rékreasi.

Olahraga & Budaya saageung 0,23 persén, Kelompok Pendidikan saageung 0,34 persén, Kelompok Panyadiaan Dahareun & Inumeun atawa Réstoran nu saageung 0,17 persén, sareng Kelompok Parawatan Pribadi sareng jasa nu sanésna nu saageung 1,21 persén.

Ku kituna, nu ngalaman déflasi ieu téh nyaéta ti Kelompok Makanan, Minuman & Tembakau saageung 0,85 persén, Kelompok Perumahan, Cai, Listrik sareng Bahan Bakar Rumah Tangga saageung 0,03 persén, sareng Kelompok Informasi, Komunikasi sareng Jasa Keuangan saageung 0,06 persén.

Ti tujuh kota pantauan IHK di Jawa Barat sasih Juli 2020 nu ngalaman déflasi nyaéta Kota Bogor saageung 0,01 persén, Kota Sukabumi saageung 0,06 persén, Kota Bandung saageung 0,14 persén, Kota Cirebon saageung 0,12 persén, Kota Bekasi saageung 0,01 persén, sareng Kota Dépok saageung 0,16 persén. Samentawis nu ngalaman inflasi nyaéta Kota Tasikmalaya saageung 0,13 persén.