Jabar Pangseueurna Ngalakukeun Tés Swab Diluar DKI – Wasunda

Foto: jabarprov.go.id

Jawa Barat janten Provinsi nu pangseueurna ngalakukeun tés swab di Luar Daérah Keistiméwaan (DKI) Jakarta, pami dibandung Provinsi sanés di Indonésia salian DKI.

Dumasar ti situs jabarprov.go.ig, Ridwan Kamil salaku Gubernur Jawa Barat nyarios dugi ka ayeuna tos kirang langkung ngalakukeun 160 rébu tés swab di Jawa Barat.

“Dibanding provinsi sanés di Indonésia, Jawa Barat pangseueurna ngalakukeun tés swab, di luar DKI. Dugi ka ayeuna tos kirang langkung 160 rébu tés swab nu dilakukeun di Jawa barat,” saur Kang Émil saatos rapat perkembangan penanggulangan Covid-19 di Makodam III Siliwangi, dikutip ti situs jabarprov.go.id (4/8/2020).

Nyinggung masalaha kasus positif di perkanroan kalebet di Gedung Saté, Kang Émil nyarios kedah ningkatkeun kawaspadaan margi kapaparna teu acan tangtu di kantor tapi di tempat sanés, margi pagawé ngalakukeun kagiatan nu kirang disiplin dina nerapkeun protokol kaséhatan nu tos ditangtoskeun ku Gugus Tugas.

“Ku kituna Kuring nyungkeun sadaya perkantoran kanggo sering ngabuka jendéla supados aya véntilasi sareng sirkulasi langkung lancar. Salian éta kanggo nu ngamungkinkeun ngalakukeun kagiatan di luar ruangan, langkung saé éta dilakukeun sapertos acara nikahan jeung sajabana,” saurna.

Gubernur gé nyarios yén Sanaos aya sababaraha panambahan angka positif Covid-19 di Jawa Barat, tapi Gugus Tugas nyatet angka nu cageur langkung ageung dibanding angka positif aktif.

“Dugi aeyuna angka nu cageur tos dugi ka 3.992, samentawis angka positif aktif mung 2.435. kabar di secapa gé cekap saé, dumasar informasi ti Pangdam, nu cageur langkung ti sarébu jalmi samentawis nu masih karantina mandiri sakitar 200an,”

Kasiapan Rumah Sakit ogé saur Kang Émil dugi ayeuna masih dina kondisi memadai, di mana rumah sakit rata-rata ieu kaanggo di angka 28% nyinggung masalah rélawan uji klinis vaksin, dugi ayeuna tos 500 jalmi nu kadaftar janten rélawan uji klinis vaksin.

“Kami masih ngantosan 1.100 rélawan deui, jadi kami ngadugikeun ka masarakat nu séhat ogé yuswana 20 dugi ka 59 taun kanggo janten rélawan. Kami ogé, Forkopimda siap janten rélawan,” pungkas Kang Émil