Jabar Ngabagikeun Masker Saacan Nerapkeun Sanksi – Wasunda

Foto: jabarpov.go.id

Pemerintah Daéerah (Pémda) Provinsi Jawa Barat ngalebetkeun masker dina paket bantuan sosial (bansos) tahap II saseueur 5 pcs. Aya 1.392.407 Keluarga Rumah Tangga Sasaran (KRTS) Non Data Terpadu Kesejahteraan Sosial (DTKS) panarima bansos tahap II di Jawa Barat.

Ketua Divisi Pemberdayaan Aparatur, Non Aparatur, sareng masyarakat, Gugus Tugas Percepatan Penanganan (GTPP) Covid-19 nu ogé Ketua Penyaluran Bansos Provinsi Jawa Barat Dudi Sudrajat Abdurachim nyarios yén masker dipilih janten komoditas bansos kanggo nyambut Adaptasi Kebiasaan Baru (AKB).

“Aya panambahan masker kanggo ngaantisipasi Adaptasi Kebiasaan Baru (AKB). Éta dumasar ti kasepakatan Gugus Tugas Percepatan Penanggulangan Covid-19 Jabar,” saur Dudi nu dikutip sareng disunting kana basa Sunda ti situs resmi Pemprov Jabar (18/7/2020).

Nganggo masker krusial pisan dina mangsa AKB.. pas kagiatan ékonomi dibuka bertahap sareng masyarakat mulai aktifitas, nganggo masker tiasa neken résiko panularan ogé panyebaran Covid-19 di ruang publik.

Pemda Provinsi Jawa Barat ngawajibkeun nganggo masker kanggo masyarakat nu aktifitas di ruang publik. Nu ngalanggar aturan éta tiasa kena sanksi, mulai ti kerja sosial dugi ka denda. Regulasi ogé terus dimatengkeun.

Sanksi ieu tujuanna nyaéta ningkatkeun kadisplinan masayarakat nerapkeun protocol kaséhatan di ruang publik. Sabab, kadisplinan masyarakat penting pisan dina nyegah panularan Covid-19 di Jawa Barat.

Salian ti Bansos, panyadiaan masker dilakukeun Pemda Provinsi Jabar ku mésér 10 juta masker produk Usaha mikro Kecil sareng Menengah (UMKM). Ngagaleuh masker gé mampu ngarangsang UMKM Jabar nu kapuruk ku pandemi.

Kepala Dinas Koperasi dan Usaha Kecil Provinsi Jawa Barat Kusmana Hartadji nyarios, ngagaleuh masker UMKM ieu dibagi dua tahap. Tahap mimiti masker nu dipésér saseueur 2 juta masker ti 200 UMKM. Samentawis éta di tahap dua Pemda Provinsi Jabar mesen 8 juta masker ti sakitar 400 dugi 500 UMKM.

“Tahap mimiti ieu tos dikawwitan. Masker tos didistribusikeun ka Lembaga, dinas, pasar, pasantrén, jeung sajabana,” saur Kusmana.

“tanggepan ti UMKM saé. Minimal tukang jait katulungan, produksi bangkit deui, nu damel gé kabantosan sareng aya kauntungan,” lajengna